Вядучы АНТ, які праславіўся мемам пра асу ў кадры, расказаў, што было пасля таго відэа
Вядучы Ігар Уланаў (Дзмітрыеў) расказаў пра сябе ў ютуб-перадачы «О(б)суджаем».
У 2011 годзе журналіст тэлеканала АНТ Ігар Уланаў (на той момант ён працаваў спецыяльным карэспандэнтам па Латвіі і Вялікабрытаніі) рабіў рэпартаж з Рыгі, калі здарыўся казус — у кадр заляцела аса. Вядучы эмацыйна адрэагаваў:
«Ну што гэта, бл***ь? У камеры аса. Бл***ь, ну, згані яе ў п***у, яна лезе ў аб'ектыў».
Той ролік ён пасля выклаў у сябе ў сацсетках. Але кіраўніцтва тэлеканала жарту не ацаніла.
«Мне літаральна праз пару дзён патэлефанаваў адзін з дырэктараў канала проста ў шаленстве: «Ігар, хто цябе так падставіў, што наогул адбываецца?» А я такі кажу: «А што дзе?» Ён кажа: «Вось, ну гэты ролік жа з асой». Я: «Дык гэта ж проста жарт». «Н***я сабе жарт». Мне праўда было не да таго, каб адсочваць гэты мем. Аказалася, што гэтую асу ўжо прыбралі ў міліцэйскую фуражку, прыляпілі Лукашэнку, і я Лукашэнку зганяю ў п***у», — расказаў вядучы.
Кіраўніцтва АНТ перапалохалася, а Ігар, ураджэнец Латвіі, шчыра не разумеў іх — спачатку спадзяваўся, што яму выпішуць прэмію за папулярызацыю канала.
У выніку, каб захаваць працу, вядучы выдаліў ролік.
Цікава, што ў Латвіі яго некаторыя пазнавалі менавіта па тым відэа з асой.
Цяпер Ігар вывучае мастацтва ў Лонданскім каледжы сучаснага мастацтва і супрацоўнічае з азербайджанскім тэлебачаннем.
«Дык дадому забяры алкаша абасцанага і выходжвай». Малады загадчык аддзялення бальніцы не стрымлівае сябе ў выразах у сацсетках24
Каментары
Мне интересно, что делает на "гейропских" островах бывший (?) лукашистский пропагандист.