Першы тыдзень вайны ў Іране каштаваў амерыканскаму бюджэту 6 мільярдаў даляраў
Першы тыдзень актыўных баявых дзеянняў супраць Ірана каштаваў бюджэту ЗША прыкладна 6 мільярдаў даляраў. Пра гэта паведамляе The New York Times са спасылкай на крыніцы ў Міністэрстве абароны ЗША і Кангрэсе.
З гэтай сумы каля 4 мільярдаў даляраў былі выдаткаваныя на боепрыпасы, у першую чаргу на ракеты-перахопнікі, якія выкарыстоўваліся для адбіцця ракетных удараў у адказ з боку Ірана. Аналітыкі адзначаюць, што сярэднія штодзённыя выдаткі Вашынгтона складаюць каля 850—900 мільёнаў даляраў.
Паведамляецца, што з пачатку канфлікту амерыканскія і ізраільскія сілы нанеслі каля 4 тысяч удараў па аб’ектах на тэрыторыі Ірана, у тым ліку па пазіцыях балістычных ракет, вайсковых штабах і аб’ектах вайскова-марскіх сіл.
ЗША і Ізраіль пачалі аперацыю супраць Ірана 28 лютага. У адказ Тэгеран атакаваў амерыканскія аб’екты ў краінах — саюзніцах Вашынгтона на Блізкім Усходзе. Пацярпелі шэраг дзяржаў рэгіёна, у тым ліку Аб’яднаныя Арабскія Эміраты, Кувейт, Іарданія, Бахрэйн і Саудаўская Аравія. Таксама паведамлялася пра пашкоджанне ў выніку ўдару беспілотніка будынка міжнароднага аэрапорта ў азербайджанскай Нахічэвані.
Уіткаф настойліва папрасіў Расію не дапамагаць Ірану разведданымі
Апакаліпсіс у Тэгеране: пасля ўдараў па нафтабазах на горад выпаў кіслотны дождж
ЗША і Ізраіль атакавалі сховішча нафты ў Тэгеране. Узнік моцны пажар
Трамп абвінаваціў Тэгеран ва ўдары па іранскай школе для дзяўчынак
Трамп заявіў, што карта Ірана можа змяніцца
Цяпер чытаюць
Пра што маўчыць Аляксей Францкевіч, якому Польшча закрыла ўезд на 10 гадоў28
Каментары