У Мінску карыстальнікі сацсетак вырашылі падтрымаць невялікую французскую кавярню «Bonjour у Себасцьяна», якую адкрыў француз каля года таму. Нягледзячы на тое, што ўстанова знаходзіцца ў цэнтры горада, у Міхайлаўскім завулку, і мае ўласную пякарню з класічнымі французскімі дэсертамі, яе ўладальнік прызнаўся, што бізнэс ледзь зводзіць канцы з канцамі, піша Telegraf.news.
Заклік дапамагчы кавярні з’явіўся ў Threads. Адна мінчанка апублікавала пост з прапановай «ратаваць» месца і параіла яго іншым. Публікацыя хутка стала папулярнай: за паўдня яна набрала больш за 260 тысяч праглядаў і тысячы лайкаў.
Многія карыстальнікі адзначылі, што ўжо бываюць у гэтай кавярні і асабліва хвалілі круасаны, якія, на іх думку, адны з найлепшых у горадзе. Аднак некаторых здзівілі цэны: круасаны каштуюць ад 4,9 да 8,5 рубля, шакаладныя булачкі — ад 6,5 да 9 рублёў, кава — ад 6 да 9 рублёў, а паўлітра гарбаты — каля 10 рублёў.
Частка каментатараў лічыць, што выпечка даражэйшая, чым у Парыжы. Іншыя адзначаюць, што ў кавярні ўсё гатуюць на месцы з якасных прадуктаў, у адрозненне ад сеткавых крам, дзе прадаюць замарожаныя паўфабрыкаты.
Асноўнай праблемай, на думку карыстальнікаў, могуць быць не цэны, а месца. Хоць адрас кавярні знаходзіцца ў цэнтры Мінска, фактычна яна размешчаная ў двары, таму пра яе ведаюць не ўсе.
У каментарыях прапануюць розныя ідэі, як дапамагчы бізнэсу: стварыць лепшую шыльду, больш актыўна прасоўваць у сацсетках, пашыраць меню для студэнтаў, праводзіць творчыя сустрэчы і ўдзельнічаць у гастранамічных фестывалях. Многія таксама паабяцалі наведаць кавярню і падтрымаць яе.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары
Поэтому всё остальное остывшее и подгоревшее.
Поэтому надо и спасти этот образчик французского стиля.