Санкцыі супраць расійскай нафты былі ўведзены ў сувязі з вайной ва Украіне. Дазвол выдадзены на 30 дзён.
ЗША часова вывелі з-пад санкцый продаж расійскай нафты і нафтапрадуктаў, якія транспартуюцца танкерамі.
ЗША вывелі з-пад сваіх санкцый продаж нафты і нафтапрадуктаў з Расіі, загружаных на танкеры да 12 сакавіка.
У чацвер ЗША выдалі новую генеральную ліцэнзію, звязаную з Расіяй, якая дазваляе продаж расійскай сырой нафты і нафтапрадуктаў, загружаных на судны, да 11 красавіка, паведамляе Reuters са спасылкай на Міністэрства фінансаў ЗША.
Санкцыі супраць расійскай нафты былі ўведзены ў сувязі з вайной ва Украіне.
Міністр фінансаў ЗША Скот Бесэнт заявіў, што крок па дазволе ў дачыненні да расійскай нафты павінен прывесці да стабілізацыі сусветных энергетычных рынкаў у выніку вайны супраць Ірана, піша Reuters.
Бесэнт паведаміў у сацыяльнай сетцы Х, што гэтая «вузкаспецыялізаваная, кароткатэрміновая мера» датычыцца толькі нафты, якая ўжо знаходзіцца ў шляху, і не прынясе істотнай фінансавай выгады ўраду Расіі.
У сераду больш за 30 краін, у тым ліку ЗША, абвясцілі пра выдзяленне 172 млн бараляў нафты са сваіх стратэгічных рэзерваў. Аднак на фоне развіцця вайны ЗША і Ізраіль з Іранам цана нафты напярэдадні зноў дасягнула 100 даляраў за бараль — на такім узроўні яна гандлявалася чатыры гады таму.
Згодна з тэкстам ліцэнзіі, апублікаваным на сайце Міністэрства фінансаў ЗША, дазваляюцца пастаўка і продаж расійскай сырой нафты і нафтапрадуктаў, загружаных на судны пачынаючы з 12 сакавіка; ліцэнзія будзе дзейнічаць да 00:00 11 красавіка.
5 сакавіка Міністэрства фінансаў ЗША дало Індыі 30‑дзённую адтэрміноўку, дазволіўшы купляць расійскую нафту, якая затрымалася ў моры. Корпус вартавых ісламскай рэвалюцыі заяўляў, што заблакуе пастаўкі нафты ў Персідскі заліў, калі атакі ЗША і Ізраіль не спыняцца.
Бесэнт напісаў у X, што прэзідэнт ЗША Дональд Трамп робіць рашучыя крокі для забеспячэння стабільнасці на сусветных энергетычных рынках і «працуе над падтрымліваннем нізкіх цэн», адначасова супрацьдзейнічаючы пагрозе з боку Ірана.
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго6
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары
І што замінала, калі задача насамрэч стабілізаваць рынкі, вытаргаваць з Расеі нешта ўзамен? Або ўвесці іншыя санкцыі ўзамен, мабыць, часова? Дзе тут распіяранае майстэрства здзелкі? Проста зрабіць крок назад гэта не здзелка.
Выглядае як паступовае пашырэнне "акна Овертана", паступовае "варыць жабу павольна". З хаўрусніка Украіны і Еўропы ЗША пад Трампам сталі амаль нейтральнымі з некаторымі заходамі ўжо на баку Расеі (вось гэтае зняцце санкцый, ціск на Украіну для здачы тэрыторый).