Белчыгунка здымае цягнікі Stadler з брэсцкага напрамку з-за паломкі
Асобныя цягнікі міжрэгіянальных ліній бізнэс-класа будуць курсіраваць саставамі, сфармаванымі з вагонаў лакаматыўнай цягі.
Белчыгунка здымае цягнікі Stadler з брэсцкага напрамку. Прычына — неабходнасць правядзення пазапланаванага рамонту рухомага складу.
Таму асобныя цягнікі міжрэгіянальных ліній бізнэс-класа будуць курсіраваць саставамі, сфармаванымі з вагонаў лакаматыўнай цягі:
-
з 13 сакавіка — цягнік №733 Мінск — Брэст адпраўленнем з Мінска ў 17:21 і прыбыццём у Брэст у 21:06,
-
з 14 сакавіка — цягнік №734 Брэст — Мінск адпраўленнем з Брэста ў 6:34 і прыбыццём у Мінск у 10:41.
Калі цягнікі вернуцца на свае маршруты, не вядома.
У прэс-службе БЧ адзначылі, што з-за змены рухомага складу можа часова адсутнічаць магчымасць набыцця праязных дакументаў на гэтыя цягнікі ў сістэмах і пунктах продажу.
Цяпер чытаюць
Як склаўся лёс Яны Пачыцкай — дзяўчыны, якую затрымлівалі разам з Канавалавым і Кавалёвым па справе аб тэракце ў метро4
Каментары