У той час як свет пакутуе ад росту цэн на паліва, нафтавы сектар ЗША рыхтуецца да рэкорднага ўзбагачэння.
ЗША могуць стаць аднымі з найбуйнейшых атрымальнікаў выгады ад росту цэн на энерганосьбіты на фоне канфлікту на Блізкім Усходзе, піша Financial Times.
Аналітыкі кампаніі Rystad Energy падлічылі, што калі сярэдняя цана на нафту ў 2026 годзе ўтрымаецца на ўзроўні $100 за барэль, гэта прынясе амерыканскім вытворцам каласальныя $63,4 млрд дадатковага прыбытку. Інвестыцыйны банк Jefferies дадае аператыўныя дадзеныя: толькі за сакавік 2026 года нафтавыя кампаніі ЗША атрымаюць дадатковыя $5 млрд.
Рост цэн на нафту цісне на эканоміку ЗША, бо ў краіне выраслі цэны на бензін і дызельнае паліва, а таксама на мноства тавараў і паслуг. Аднак, у адрозненне ад нафтавых крызісаў мінулых гадоў, у гэтым выпадку ЗША самі з'яўляюцца буйным вытворцам нафты, што забяспечвае эканоміцы абарону ад найгоршых наступстваў.
Нафтавы бум дазволіць амерыканскім штатам Тэхас, Нью-Мексіка і Аляска накіраваць звышпрыбыткі на сацыяльныя праграмы і ліквідацыю дэфіцыту бюджэту. «У канчатковым выніку гэта азначае больш працоўных месцаў і больш магчымасцяў для людзей», — дадае мэр горада Хобс Джонатан Сена.
Больш за ўсё ад кан'юнктуры выйграюць сланцавыя кампаніі, чые актывы сканцэнтраваны ў ЗША. Але для такіх гігантаў, як ExxonMobil ці Chevron, сітуацыя цяжэйшая, бо іх актывы ў Персідскім заліве апынуліся пад ударам праз блакаванне Армузскага праліва.
Эксперты папярэджваюць, што калі праліў будзе заблакаваны доўга, цана можа ўзляцець яшчэ больш, што прывядзе сусветную эканоміку да цяжкіх наступстваў.
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне13
Каментары