Чатыры жанчыны перасякалі мяжу праз пункт пропуску «Брэст» і выбралі «зялёны калідор», тым самым пацвердзіўшы, што не вязуць рэчы, якія трэба дэклараваць. Аднак падчас праверкі высветлілася, што ў аўтамабілі і асабістых рэчах схаваныя прадметы мастацтва, паведамляе Дзяржаўны мытны камітэт.
Сярод знойдзенага — 24 карціны, статуэткі, два камінныя гадзіннікі, бюст і насценны барэльеф. Эксперты ўстанавілі, што ўсе гэтыя рэчы зробленыя больш за 50 гадоў таму, таму лічацца культурнымі каштоўнасцямі. Іх агульны кошт перавышае 32 тысячы рублёў.
У дачыненні да жанчын распачалі адміністрацыйныя справы. Ім можа пагражаць штраф, а таксама канфіскацыя знойдзеных прадметаў.
У мытных органах адзначылі, што гэта не адзінкавы выпадак: толькі за апошні месяц у Брэсцкай вобласці выявілі больш за дзясятак падобных спроб незаконнага перамяшчэння культурных каштоўнасцяў праз мяжу.
«Сыночак, ты ў мяне адзін». Маці з Дуброўна просіць 18‑гадовага сына вярнуцца з расійскай арміі і звяртаецца да Лукашэнкі13
«Сыночак, ты ў мяне адзін». Маці з Дуброўна просіць 18‑гадовага сына вярнуцца з расійскай арміі і звяртаецца да Лукашэнкі
Адвакат Аляксандр Данілевіч: Мяне адвялі ў клетку на КПП і зачыталі ўказ для службовага карыстання пра памілаванне па просьбе Міжнароднага алімпійскага камітэта1010
Каментары