«Чорная сотня» пахвалілася ў сваіх сацыяльных сетках удзелам у XXXIII Мінскай міжнароднай кніжнай выставе-кірмашы, звярнуў увагу Reform.news.
У Беларусь «чарнасоценцы» прывезлі кнігі, якія праслаўляюць расійскую агрэсію супраць Украіны.
«Першае з’яўленне «Чорнай сотні» на найбуйнейшай беларускай міжнароднай выстаўцы-кірмашы адбылося! Захавальнік Леанід ужо сустракае першых пакупнікоў, і продажы ідуць даволі актыўна», — гаворыцца ў паведамленні.
Выстава працуе з 17 па 22 сакавіка. Асноўны арганізатар — Міністэрства інфармацыі.
На сайце выставе-кірмашу ёсць спіс удзельнікаў і план размяшчэння. «Чорная сотня» сапраўды пазначана як адзін з удзельнікаў.
«Чорная сотня» — гэта агульная назва ультракансерватыўных, манархічных і нацыяналістычных арганізацый у Расійскай імперыі пачатку XX стагоддзя (прыкладна 1905—1917 гады). Іх ідэалогія ўключала жорсткі нацыяналізм і шавінізм, антыліберлізм і антысацыялізм, моцны антысемітызм.
Цяпер чытаюць
«Калі вы пазакрываеце я**льнікі»: злоўлены на допінгу амапавец з Гродна паказаў сваё высокакультурнае аблічча9
Каментары
[Зрэдагавана]