У Празе 21 сакавіка прайшоў мітынг супраць ураду прэм'ер-міністра Андрэя Бабіша. Па папярэдніх ацэнках, на яго сабралася больш за 200 тысяч чалавек, паведамляюць České Noviny.
Дэманстрацыю «Мы не дазволім скрасці нашу будучыню» ў пражскім раёне Летна арганізавала ініцыятыва «Мільён імгненняў за дэмакратыю». Людзі выйшлі на мітынг, каб выказаць пратэст супраць узмацнення ўплыву алігархаў і адыходу ўлад ад дэмакратычных прынцыпаў. Абурэнне выклікае таксама закон аб інагентах — крытыкі лічаць, што ён падобны да расійскага. Калі закон будзе прыняты, то ён абавяжа рэгістравацца многіх юрыдычных і фізічных асоб, якія маюць сувязі з замежнымі краінамі ці атрымліваюць замежнае фінансаванне. За невыкананне — вялікія штрафы
Апазіцыя крытыкуе таксама планы ўрада змяніць фінансаванне дзяржСМІ, скараціць выдаткі на абарону і змякчэнне рыторыкі ў адносінах Расіі.
Прэм'ер Чэхіі Андрэй Бабіш — мільярдэр, кіраўнік правапапулісцкай партыі ANO. У кааліцыю з яго партыяй ANO увайшлі дзве правапапулісцкія сілы: «Свабода і прамая дэмакратыя», якая вяла кампанію крытыкі міграцыі, у тым ліку з Украіны, а таксама «Аўтамабілісты для сябе», якая выступае супраць «зялёнага парадку дня».
Каментары
Арыец ці абраны ?? Вы падобны у сваіх каментах