Масіраваная атака дронаў на Ленінградскую вобласць: пажар у порце і калапс у Пулкаве
У Ленінградскай вобласці Расіі адбылася маштабная атака беспілотнікаў. Паводле заявы губернатара рэгіёна Аляксандра Драздэнкі, менш чым за суткі над вобласцю было збіта больш за 60 БПЛА.
У порце Прыморска пасля трапляння беспілотніка пашкоджана ёмістасць з палівам, што выклікала моцны пажар. Тушэнне яшчэ працягваецца, персанал порта быў тэрмінова эвакуяваны.
Міжнародны аэрапорт Пулкава цалкам спыніў працу апоўначы. На гэты час адменена 48 рэйсаў, яшчэ больш за 50 затрымана. Самалёты не прымаюцца і не адпраўляюцца з-за пагрозы бяспецы палётаў.
Губернатар падкрэсліў, што адбіццё атакі ўсё яшчэ працягваецца, а ў рэгіёне захоўваецца рэжым павышанай небяспекі.
Цяпер чытаюць
Першы беларускі пашпарт з «Пагоняй» атрымаў Лукашэнка, а другі — школьнік Юрый Чарняк. Як склаўся лёс хлопца?6
Каментары