Пентагон можа перанакіраваць пастаўкі зброі, прызначанай для Украіны, у Іран
У Міністэрстве абароны ЗША абмяркоўваюць магчымасць перанакіраваць ракеты для сістэм Patriot, якія прызначаліся Украіне, на Блізкі Усход. Пакуль канчатковае рашэнне не прынятае, але такая ідэя ўжо разглядаецца, піша The Washington Post, спасылаючыся на тры інфармаваныя крыніцы.
Гэтыя ракеты павінны былі пастаўляцца па праграме НАТА, пры якой еўрапейскія краіны фінансуюць закупку амерыканскай зброі для Украіны. Аднак цяпер частку гэтых сродкаў ЗША могуць выкарыстаць для ўласных патрэб.
Прычына — вялікія выдаткі боепрыпасаў у канфлікце на Блізкім Усходзе. За кароткі час амерыканскія сілы і іх саюзнікі выкарысталі тысячы ракет для знішчэння іранскіх дронаў і ракет, таму запасы пачынаюць скарачацца.
Паведамляецца, што пастаўкі Украіне могуць працягвацца, але будучыя партыі могуць утрымліваць менш сродкаў супрацьпаветранай абароны. У Вашынгтоне цяпер ідзе абмеркаванне, у якіх аб’ёмах працягваць падтрымку Кіева.
Акрамя таго, Пентагон ужо паведаміў Кангрэсу пра намер перанакіраваць каля 750 мільёнаў даляраў, выдадзеных саюзнікамі па гэтай праграме, на папаўненне ўласных запасаў, а не на дапамогу Украіне.
Гэта выклікае занепакоенасць як у Кіеве, так і ў еўрапейскіх краінах, бо ўзнікае пытанне, ці хопіць ЗША рэсурсаў адначасова падтрымліваць Украіну і весці ваенныя дзеянні ў іншых рэгіёнах. У той жа час у НАТА падкрэсліваюць, што пастаўкі ўзбраенняў Украіне працягваюцца, а фінансаванне праграмы падтрымкі складае ўжо некалькі мільярдаў даляраў.
Колькі боепрыпасаў выпусцілі ЗША і іх саюзнікі ў Іране — Украіна толькі зайздросціць
Зяленскі: ЗША хочуць, каб Украіна выйшла з Данбасу ў абмен на гарантыі бяспекі
Украінскія дарадцы былі ў шоку, калі ў Персідскім заліве на адну цэль выпускалі восем ракет Patriot — агульным коштам $25 мільёнаў
Частку амерыканскіх СПА перамясцілі з Еўропы на Блізкі Усход
Саудаўская Аравія і Кіеў рыхтуюць «гіганцкую дамову» на фоне іранскай пагрозы
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»8
Каментары