У Смалявіцкім раёне грузавік пратараніў машыну, якая стаяла на ўзбочыне. Ёсць ахвяра
У Смалявіцкім раёне адбылося сур’ёзнае ДТЗ са смяротным вынікам, паведаміла ДАІ Мінскай вобласці.
Каля 15:30 на трасе М-1 (Брэст — Мінск — мяжа з Расіяй) грузавік DAF, якім кіраваў 31‑гадовы вадзіцель і які рухаўся ў бок Расіі, урэзаўся ў аўтамабіль Volkswagen Sharan, што стаяў на ўзбочыне.
У легкавым аўто былі 65‑гадовы кіроўца і 44‑гадовая пасажырка з Мінска. У выніку аварыі пасажырка загінула, а кіроўца атрымаў траўмы і быў дастаўлены ў бальніцу.
Каментары