Здароўе11

Чаму пры ўкусе кляшча бессэнсоўна адразу здаваць аналіз крыві

І што трэба зрабіць у першыя гадзіны.

Здымак ілюстрацыйны. Фота: «Наша Ніва»

Доктар-інфекцыяніст прыёмнага аддзялення Гарадской клінічнай інфекцыйнай бальніцы Мінска Мікіта Салавей нагадаў у фэйсбуку пра галоўныя правілы пры ўкусе кляшча.

Калі вас укусіў клешч, то пасля яго выдалення трэба аднакратна прыняць даксіцыкліну (200 мг дарослым, 4,4 мг/кг, але не больш за 200 мг дзецям).

«Нават дзецям і цяжарным аднакратна доксіцыклін можна! Піць яго даўжэй за 1 дзень для прафілактыкі бессэнсоўна — гэта не абароніць вас мацней, але ўдарыць па мікрабіёце», — звяртае ўвагу спецыяліст.

Здаваць кляшча ў лабараторыю бескарысна.

«Мы лечым людзей, а не кляшчоў! Нават калі прыйдзе «дрэнны» вынік, ваша тактыка не мяняецца: аднакратна доксіцыклін у першыя 72 гадзіны + назіранне за самаадчуваннем і месцам укусу роўна месяц».

Не трэба адразу бегчы здаваць аналізы крыві, бо «чароўных» тэстаў няма.

«Раннія аналізы не пакажуць інфекцыю. Антыцелы пры клешчавым энцэфаліце з’яўляюцца не раней за 2 тыдні ад першых сімптомаў, а пры хваробе Лайма — толькі праз 4—6 тыдняў пасля з’яўлення на скуры мігрыруючай эрытэмы (плямы)», — тлумачыць медык.

Сімптомы ў першыя дні — гэта не інфекцыя, кажа Салавей.

«Чырвоная пляма ў першыя гадзіны або лёгкае недамаганне — гэта проста алергія на сліну кляшча. У любой інфекцыі ёсць інкубацыйны перыяд — ён не бывае меншым за 3 дні».

Імунаглабулін не працуе.

«Згодна з пратаколамі ў Беларусі, супрацьклешчавы імунаглабулін не выкарыстоўваецца для прафілактыкі клешчавога энцэфаліту — ён неэфектыўны. Адзіная рэальная абарона — гэта вакцынацыя», — папярэджвае доктар.

Каментары1

  • %
    29.03.2026
    А калі усе праявіцца наяўна, то ўжо і запозна можа стацца

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць