«Усе гундзелі, бурчэлі». Лукашэнка расказаў, што ў войску былі незадаволеныя, што навучаць іх запрасілі вагнераўцаў
Лукашэнка сёння правёў нараду з вайскоўцамі па выніках комплекснай праверкі боегатоўнасці арміі.
Ён заявіў, як у падрыхтоўцы беларускіх вайскоўцаў улічылі досвед вайны ва Украіне.
«У сучаснай вайне, паважаныя афіцэры, важна ўсё. Падрыхтоўка афіцэраў — навучанне, ступень валодання вайскоўцамі даверанай ім зброяй, фізічная падрыхтоўка асабовага складу. Зноў жа з СВА (так прапагандысты называюць уварванне Расіі ва Украіну — НН) ад «Вагнера». Яны мяне папярэдзілі: «Аляксандр Рыгоравіч, глядзіце фізічную падрыхтоўку». Яны кажуць: «Мы гэта ўбачылі на вайне». Калі падцягнуты, падрыхтаваны салдат і афіцэр — будуць жыць. Калі яны не могуць бегчы, схавацца, ад кулі ўхіліцца — яны жыць не будуць», — сказаў ён
«І тады я папрасіў вайскоўцаў, каб яны гэтых інструктараў для навучання нашых вайскоўцаў запрасілі. І перш за ўсё на гэта адгукнуўся Карпянкоў. Ён прыцягваў гэтых людзей.
І яны паказвалі, вайскоўцы вучыліся. Але ўсе гундзелі, бубнелі: «Вось, што яны нам тут паказваюць? Што, мы гэтага не ведаем?» — адзначыў Аляксандр Лукашэнка. — Таму фізпадрыхтоўцы ў гэтай праверцы была нададзена асаблівая ўвага».
Цяпер чытаюць
У перамовах з Коўлам гэтым разам бярэ ўдзел і Турчын. З амерыканскага боку Сміт змяніўся на Паніка7
У перамовах з Коўлам гэтым разам бярэ ўдзел і Турчын. З амерыканскага боку Сміт змяніўся на Паніка
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну55
Каментары