Экіпаж «Артэміда-2» выявіў на Месяцы два новыя кратары. Адзін з іх назвалі ў гонар памерлай жонкі камандзіра місіі
Касманаўты выйшлі на сувязь з камандным цэнтрам.
«Наша навуковая група дапамагла нам знайсці некалькі новых кратэраў, якія раней не былі названыя. І наша каманда хацела б прапанаваць некалькі назваў», — сказаў Джэрэмі Хансен.
Першы з іх назвалі Integrity — у гонар касмічнага карабля Orion CM-003 Integrity, на якім ляцяць астранаўты.
Другі кратар, які можна ўбачыць з Зямлі толькі ў пэўныя фазы месяцовага цыклу, атрымаў больш асабістую назву.
«Некалькі гадоў таму, калі мы пачалі гэтае падарожжа, наша згуртаваная астранаўцкая сям’я страціла блізкага чалавека… На Месяцы ёсць адно вельмі цікавае месца. Гэта яркая пляма, бачная толькі ў пэўныя моманты, і мы хацелі б назваць яе Кэрал», — перадалі астранаўты на Зямлю.
Кэрал — жонка камандзіра экіпажа Рыда Уайсмена. Яна памерла ад анкалагічнага захворвання ў 2020 годзе. У іх засталіся дзве дачкі — Кэці і Элі, якія цяпер змогуць бачыць на Месяцы кратэр, названы ў гонар мамы.
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам3
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў66
Каментары