КНДР выпрабавала электрамагнітную бомбу, якая здольная выклікаць блэкаўты
Вугляродныя валакністыя бомбы, якія называюць «блэкаўт-бомбамі», прызначаны для замыкання электрасетак. Яны пагружаюць цэлыя рэгіёны ў цемру.
Дзяржаўная прэса КНДР паведаміла пра паспяховыя тэсты і выпрабаванні сістэм электрамагнітнай зброі і вугляродных бомбаў. Кім Чэн Ын назваў гэтыя распрацоўкі «асаблівымі сродкамі стратэгічнага характару».
Выпрабаванні працягваліся тры дні — з панядзелка да серады. Пхеньян упершыню адкрыта загаварыў пра выкарыстанне энергіі для вываду з дзеяння тэхнікі, адзначае Bloomberg.
Вугляродныя валакністыя бомбы, якія таксама называюць «блэкаўт-бомбамі», прызначаныя для замыкання электрасетак. Яны пагружаюць цэлыя рэгіёны ў цемру. Электрамагнітная зброя, таксама выпрабаваная КНДР, дзейнічае інакш — яна выпальвае мікрасхемы і сродкі сувязі.
Кім Чэн Ын цяпер патрабуе ад вайскоўцаў спалучаць іх з іншымі відамі ўзбраенняў. Пхеньян імкнецца атрымаць перавагу ў лічбавай вайне.
Акрамя сакрэтных тэхналогій, КНДР праверыла баявую магутнасць сваіх балістычных ракет. Выпрабавалі касетныя боегалоўкі тактычнага прызначэння. Калі верыць прэсе КНДР, плошча знішчэння боегаловак складае 6,5—7 гектараў.
Bloomberg нагадвае, што паўднёвакарэйскія вайскоўцы сапраўды зафіксавалі некалькі залпаў балістычных ракет у водах каля ўсходняга ўзбярэжжа КНДР. Адзін з запускаў мог быць няўдалым.
-
Ілан Маск: Starlink нельга выкарыстоўваць для наступальных дзеянняў, а хуткасць і параметры вайсковых тэрміналаў вызначаюць Пентагон і Трамп
-
Для ўезду ў Казахстан беларусам трэба будзе запытваць пропуск за тры дні
-
Харватыя карыстаецца жаданнем Чарнагорыі ўступіць у Еўрасаюз, каб павырашаць на сваю карысць старыя спрэчкі
Цяпер чытаюць
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам20
Каментары