Гэта слабачок у трэцім дывізіёне чэмпіянату Іспаніі.
Былы галоўны трэнер зборнай Беларусі іспанец Карлас Алос узначаліў клуб «Хувентуд Тэрамалінас» (іспанскі трэці дывізіён). Кантракт заключаны да канца сезона, піша «Прэсбол».
Пасля 31 матча клуб з правінцыі Малага набраў 39 балаў і займае 14‑е месца ў турнірнай табліцы, толькі на два балы падняўшыся ад зоны вылету
Дэбютным для 50‑гадовага спецыяліста стане матч 32‑га тура — 12 красавіка яго новая каманда сыграе ў гасцях з «Ібіцай».
Алос узначальваў зборную Беларусі ў 2023—2025 гадах. Пад кіраўніцтвам іспанца наша нацыянальная каманда правяла 26 матчаў, у якіх атрымала 6 перамог, 10 разоў сыграла ўнічыю і панесла 10 параз.
Алос да зборнай Беларусі трэніраваў казахстанскі «Кайрат», мараканскі «Фар», «Катар СК», кіпрскі «Эносіс» з дывізіёна B, зборную Руанды.
Зараз зборную Беларусі па футболе ўзначальвае Віктар Ганчарэнка.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары