Бацька аднаго з маладзёнаў, асуджаных па справе «Чорных салаўёў», запісаў відэазварот да Лукашэнкі
У роліку, выкладзеным у TikTok, мужчына, што называе сябе Дзмітрыем Аляксеевічам Жыгалёвым, называе справу «Чорных салаўёў» сфабрыкаванай, заўважыў «Белсат».
Следчыя з прозвішчамі Марковіч і Бублін, па словах мужчыны, ужывалі ў дачыненні да затрыманых падлеткаў катаванні — збівалі іх ды падносілі да галавы зброю. Праз такія метады маладзёнаў прымушалі сведчыць супраць іншых фігурантаў. Мужчына просіць адправіць справу на перагляд, а следчых, якія перавысілі паўнамоцтвы, — пакараць.
Дзмітрый Жыгалёў, хутчэй за ўсё, з'яўляецца бацькам Сяргея Жыгалёва, якому па згаданай справе прысудзілі 12 гадоў зняволення.
Увесну 2024 года прапагандысты паведамілі пра затрыманне семярых падлеткаў нібы за «супрацоўніцтва з украінскімі спецслужбамі».
Падлеткі нібыта аб’ядналіся ў «анархісцкую ячэйку «Чорныя салаўі» пад кіраўніцтвам Нацыянальнай вызваленчай арміі Украіны», каб ладзіць дыверсіі ў Беларусі і Расіі.
Сярод затрыманых — непаўналетнія навучэнцы каледжаў і школ розных гарадоў Беларусі. Стваральніцай суполкі ўлады называлі 16‑гадовую грамадзянку Украіны Марыю Місюк.
Таксама сярод затрыманых былі Трафім Барысаў, Сяргей Жыгалёў, Дзмітрый Захарошка, Анастасія Кліменка і Аляксандра Пуліновіч. Усіх падлеткаў абвінавачвалі ў «акце тэрарызму» (арт. 289 КК). Таксама ў фільме паказалі 18‑гадовага Даніілу Гарасіма, якога абвінавачвалі паводле трох крымінальных артыкулаў, сярод якіх «здрада дзяржаве» (арт. 356 КК).
Як расказала крыніца праваабарончага цэнтра «Вясна», пасля выхаду прапагандысцкага фільма яго паказвалі і ў іншых школах з мэтай застрашыць вучняў.
Аляксандры Пуліновіч тады прызначылі 10 гадоў і 3 месяцы, Марыі Місюк — 13 гадоў, Дзмітрыю Захарошку — 10 гадоў і 6 месяцаў, Трафіму Барысаву, Сяргею Жыгалёву — па 12 гадоў зняволення. Даніілу Гарасіму прызначылі 10 гадоў калоніі, а таксама штраф памерам 600 базавых велічыняў.
У лістападзе мінулага года Марыю Місюк вызвалілі падчас чарговай хвалі памілавання палітвязняў. Выказваліся меркаванні, што падчас памілавання, прымеркаванага да сёлетняга 8 Сакавіка, на свабодзе магла апынуцца і Аляксандра Пуліновіч, але доказаў гэтаму не з'явілася.
Сілавікі затрымалі семярых падлеткаў, якіх вінавацяць у тэрарызме і здрадзе дзяржаве
Фільм пра нібыта вярбоўку падлеткаў украінскімі спецслужбамі пакажуць ва ўсіх навучальных установах Беларусі
Па справе «чорных салаўёў» падлеткаў асудзілі на тэрмін ад 10 да 13 гадоў
Вызваленая 18‑гадовая палітзняволеная Марыя Місюк
Цяпер чытаюць
Хітры расіянін Яўген з жонкай і малым прыдумалі, як бясплатна пажыць у кватэры беларускі9
Каментары