Але даў час на тое, каб падаць яго нанова.
Суддзя са штата Фларыда адхіліў пазоў прэзідэнта Дональда Трампа да газеты Wall Street Journal на 10 млрд даляраў. Трамп абвінаваціў газету ў паклёпе на яго ў артыкуле аб яго сувязях з памерлым фінансістам і асуджаным педафілам Джэфры Эпштэйнам, піша Бі-бі-сі.
Акруговы суддзя Дарын Гейлс заявіў, што Трамп у сваім пазове «нават і блізка не паказаў», што газета дзейнічала са злосным намерам у дачыненні да яго — а гэта ў ЗША з'яўляецца абавязковай умовай для абвінавачвання ў паклёпе.
Суддзя даў Трампу час да 27 красавіка, каб перафармуляваць пазоў і падаць яго зноў. Член юрыдычнай каманды Трампа сказаў Бі-бі-сі, што яны так і зробяць.
«[Прэзідэнт] працягне прыцягваць да адказнасці тых, хто гандлюе фэйкавымі навінамі і дэзінфармуе народ Амерыкі», — заявіў адвакат.
Дональд Трамп падаў пазоў супраць Wall Street Journal, News Corporation, якая ёй валодае, і кіраўніка карпарацыі Руперта Мёрдака за артыкул ад 17 ліпеня мінулага года, у якім гаварылася, што ў альбоме віншаванняў Эпштэйну з днём нараджэння ў 2003 годзе было і віншаванне ад Трампа.
Гэта віншаванне, як напісала газета, было напісана паверх малюнка аголенага жаночага цела.
Праз некалькі тыдняў члены Кангрэса ад Дэмакратычнай партыі апублікавалі копію гэтага паслання. Газета ў сваім артыкуле выяву не публікавала, а дала слоўнае апісанне, але яно ў дакладнасці супала з карцінкай, апублікаванай кангрэсменамі.
Дональд Трамп заявіў, што гэта фальшыўка, і ніякага віншавання Эпштэйну ён не пісаў і не маляваў.
Трамп не адмаўляе, што сябраваў з Эпштэйнам больш за 10 гадоў, але сцвярджае, што пасварыўся з ім яшчэ ў самым пачатку нулявых.
Паводле амерыканскіх законаў ісцец, які заяўляе пра паклёп на яго, павінен паказаць наяўнасць «рэальнага злоснага намеру», гэта значыць, адначасова даказаць, што публічная заява, на якую ён скардзіцца, была хлуснёй, і што аўтар заявы ведаў ці павінен быў ведаць, што гэта хлусня.
Суддзя Гейлс у пастанове аб адхіленні пазову Трампа напісаў, што прэзідэнт «не даказаў пераканаўчым чынам, што адказчыкі апублікавалі артыкул з рэальным злосным намерам».
Трагедыя з 30‑гадовай доктаркай са Старобіна — пайшла выдаляць зуб мудрасці і памерла24
Каментары