Старт сезона атракцыёнаў у сталіцы запланаваны на 24 красавіка.
Да гэтага часу ў чатырох парках — імя Горкага, Чалюскінцаў, Уга Чавеса і 900‑годдзя Мінска — падрыхтуюць каля 60 атракцыёнаў. Пра гэта паведаміў намеснік генеральнага дырэктара — галоўны інжынер «Мінскзялёнбуду» Руслан Касевіч, пішуць Мінск-навіны.
Квіткі на атракцыёны ў цэнтральных парках Мінска падаражэюць прыкладна на 15 %.
— Апошнія гады мы стараліся не змяняць цэны, але ў гэтым годзе падаражанне складзе каля 15 % у сувязі з тым, што тэхнічнае абслугоўванне, расходныя матэрыялы і запасныя часткі істотна падаражэлі, — растлумачыў Р. Касевіч.
Усе атракцыёны прайшлі працэдуру раскансервацыі пасля зімовага захоўвання і міжсезоннае тэхнічнае абслугоўванне. Зараз на завяршальнай стадыі — штогадовае тэхнічнае асведчанне.
Асаблівую ўвагу галоўны інжынер звярнуў на гульнявыя комплексы, дзе няма аператыўных дзяжурных.
— Тут уся адказнасць ляжыць на бацьках, якія павінны кантраляваць, чым займаецца іх дзіця. Перад тым як зайсці на такі комплекс, неабходна азнаёміцца з правіламі карыстання. У кожнага аб’екта ёсць інфармацыйны стэнд, — дадаў Р. Касевіч.
Рэжым работы паркаў застаецца ранейшым.
У парках імя Горкага, Чалюскінцаў і Уга Чавеса выходныя ў панядзелак і аўторак, у парку 900‑годдзя Мінска ёсць яшчэ адзін дадатковы — серада.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім12
Каментары