З'явіліся версіі, чаму маглі затрымаць каталіцкага святара з-пад Вілейкі
На фоне адсутнасці якой-небудзь афіцыйнай інфармацыі ў коле каталіцкіх вернікаў Беларусі з'явілася версія адносна таго, што стала верагоднай падставай для арышту святара Анатоля Парахневіча ў Вілейскім раёне, піша Katolik.life.
Супаставіўшы некаторыя факты, пра якія даведаліся вернікі, яны зрабілі выснову, што ксяндза Анатоля Парахневіча маглі абвінаваціць у дапамозе ў справе захавання памяці грамадзян Польшчы, якія загінулі ў ранейшыя гады на тэрыторыі сучаснай Беларусі.
Пра што канкрэтна ідзе гаворка — вернікі пакуль казаць не могуць, каб гэтыя звесткі, магчыма, не былі выкарыстаныя супраць святара і яго добрых спраў.
Таксама вернікам вядома, што ксёндз Анатоль Парахневіч адкрыта выступаў супраць нападу Расіі на Украіну, асуджаў вайну, заклікаў да міру і пакаяння. На адной са старонак захаваліся яго словы з гэтай нагоды, прымеркаваныя да пачатку Вялікага посту ў 2022 годзе, Попельнай серады, якая прыпадала на першыя дні вайны:
«Пасыпаем попелам галовы, просячы ў Бога прабачэння… Бог міласэрны, Ён прабачыць… А ці прабачыць нам наша ўласнае сумленне?»
Ксёндз Анатоль Парахневіч — з дзяцінства сірата. Ён нарадзіўся ў вёсцы ў Жлобінскім раёне, выхоўваўся ў дзіцячым доме. Паколькі ў яго няма родных і блізкіх, то даведацца пра яго сітуацыю вельмі складана.
Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе11
Каментары