Прэм'ер-міністр Іспаніі спрабуе аб'яднаць левыя сілы ў сусветную кааліцыю супраць трампаўскай MAGA
Прэм’ер-міністр Іспаніі Педра Санчэс правёў у Барселоне міжнародную канферэнцыю, якая аб’яднала лідараў левых сіл з розных краін свету. Мерапрыемства доўжылася два дні і разглядалася як своеасаблівы адказ на кансерватыўную платформу MAGA, звязаную з прэзідэнтам ЗША Дональдам Трампам, паведамляе Euronews.
У сустрэчы ўдзельнічалі палітыкі з Еўропы, Лацінскай Амерыкі і Афрыкі. Сярод іх быў прэзідэнт Бразіліі Луіс Інасіу Лула да Сілва, які рэзка раскрытыкаваў «ваенных лідараў» і тэхналагічных магнатаў, абвінаваціўшы іх у падрыве дэмакратыі і правоў працоўных, а таксама нанясенні шкоды прыродзе.
Сярод іншых высокапастаўленых гасцей былі прэзідэнт Паўднёва-Афрыканскай Рэспублікі Сірыл Рамафоса, прэзідэнт Калумбіі Густава Петра і прэзідэнтка Мексікі Клаўдыя Шэйнбаўм. Усе яны раней уступілі ў канфлікт з Трампам па пытаннях мытных пошлін і міграцыі. ПАР, акрамя таго, сутыкнулася з абвінавачваннямі ў «антыбелым» расізме.
Прадстаўніцтва ад Еўропы ўключала віцэ-канцлера Германіі Ларса Клінгбайля, брытанскага міністра замежных спраў Дэвіда Лэмі, лідарку італьянскай апазіцыі Элі Шляйн і кіраўніка Сацыялістычнай партыі Бельгіі Поля Маньета. Таксама прысутнічаў французскі эканаміст Габрыэль Зюкман, які выступае за павышэнне падаткаў для багатых.
Прэзідэнт Еўрапейскай рады Антоніу Кошта таксама меўся быць на мерапрыемстве, але адмяніў свой візіт у апошні момант, спаслаўшыся на асабістыя прычыны.
Падчас выступленняў на канферэнцыі неаднаразова гучала крытыка палітыкі Трампа, у тым ліку яго гандлёвых і знешнепалітычных крокаў. Удзельнікі заклікалі да кансалідацыі «прагрэсіўных сіл» для супрацьдзеяння, як яны адзначылі, «рэакцыйнай хвалі» ў свеце.
Гаспадар мерапрыемства Педра Санчэс падкрэсліў, што мэта канферэнцыі — аб’яднаць левыя і «прагрэсіўныя» рухі на міжнародным узроўні. Ягоная ўласная актыўная знешняя пазіцыя апошнім часам выклікае вялікае напружанне ў адносінах з ЗША, дзе Трамп ужо крытыкаваў іспанскага лідара і пагражаў эканамічнымі мерамі.
Мерапрыемства прайшло на фоне складанай сітуацыі для самога Санчэса ўнутры краіны: ягоная жонка фігуруе ў справе аб карупцыі, якую яны абодва адмаўляюць і называюць палітычна матываванай.
«Замест выратавання Еўропы цэнтрысты вядуць яе ў прорву»
Іспанія выступіла супраць павелічэння выдаткаў на абарону да 5% ад ВУП
Прэзідэнт Чэхіі: Трамп за некалькі тыдняў зрабіў больш для падрыву даверу да НАТА, чым Пуцін за многія гады
25‑гадовая іспанка два гады змагалася за права на эўтаназію пасля групавога згвалтавання і інваліднасці. І ўрэшце перамагла
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі16
Каментары