Па інфармацыі пракуратуры, мужчына хварэе на псіхічны разлад і перакананы, што яго паўсюль пераследуюць «дэманы». У той дзень ён прыйшоў да храма і паводзіў сябе вельмі агрэсіўна, піша выданне «Белка».
Святар, які разам з вернікамі парадкаваў тэрыторыю каля храма, папрасіў мужчыну, які нецэнзурна лаяўся, супакоіцца. Аднак той раптоўна напаў на яго — схапіў за бараду і пачаў біць. Калі ж на дапамогу прыйшоў памочнік бацюшкі па гаспадарцы, то яму таксама дасталася.
Пасля гэтага нападнік уцёк, але яго хутка знайшлі супрацоўнікі міліцыі.
Высветлілася, што праблемы з псіхічным здароўем у яго былі і раней. Ён ужо здзяйсняў небяспечныя дзеянні: падпаліў машыну жонкі, бо лічыў, што там знаходзяцца дэманы, а таксама выкідаў рэчы з дому, думаючы, што гэтым «ачышчае» жыллё ад злых сіл.
У дзень здарэння ён таксама паводзіў сябе неадэкватна — выносіў з дому пабытовыя рэчы і адзенне, якія лічыў «заражанымі», а пасля пайшоў да царквы.
Пасля затрымання мужчыну змясцілі ў псіхіятрычную ўстанову, дзе пацвердзілі наяўнасць разладу. Нягледзячы на гэта, яму выстаўлена абвінавачанне ў асабліва злосным хуліганстве. Канчатковае рашэнне аб пакаранні прыме суд.
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары