«Ужо ў СІЗА». За жахлівы падзеж цялят на Гомельшчыне арыштавалі кіраўніка гаспадаркі
Пад відэакамерамі старшыня Дзяржкантролю далажыў Лукашэнку пра арышт кіраўніка гаспадаркі, дзе загінулі цяляты. Гаспадарку не назвалі.
Яшчэ 24 красавіка, падчас візіту ў Мазырскі раён, Лукашэнка паказаў старшыні Гомельскага аблвыканкама Івану Крупко фатаздымкі з месца гібелі цялят у Рагачоўскім раёне. Гэтыя матэрыялы былі перададзены яму Дзяржкантролем.
«Гэта называецца жах. Я разумею, што ў асобных месцах яны канцэнтруюць негатыў. Але гэта больш, чым крымінальная справа», — заявіў ён тады.
Падчас паездкі ў Петрыкаўскі раён 26 красавіка Лукашэнка вярнуўся да гэтай тэмы: «Гектар зямлі, і на паверхні валяюцца загінулыя цяляты», — згадаў ён пабачанае на здымках.
Старшыня Камітэта дзяржкантролю далажыў, што кіраўнік гаспадаркі, дзе адбылося здарэнне і якая не называлася, ужо затрыманы.
«Ужо ў СІЗА», — далажыў Васіль Герасімаў.
«У СІЗА — правільна зрабіў. Гэта ж бязладдзе. Я хацеў журналістам паказаць толькі адну фатаграфію. Яны прытомнасць згубяць, асабліва гарадскія», — дадаў Лукашэнка.
Лукашэнка паставіў задачу больш актыўна развіваць мясную жывёлагадоўлю і забяспечыць строгі кантроль за ўмовамі ўтрымання жывёлы.
«Трэба больш актыўна гэта развіваць. Калі ёсць рынак… А ён будзе, — сказаў Лукашэнка пра вырошчванне буйной рагатай жывёлы мясных парод. — Попыт будзе».
Паводле яго слоў, у свеце расце попыт і на прадукты харчавання, і на ўгнаенні, а разам з гэтым павышаюцца і цэны.
«Наш час, па-мойму, прыходзіць. І мы не дарма ўкладвалі ў сельскую гаспадарку», — дадаў ён.
-
«Паглядзіце на тое, што адбываецца ва Украіне проста зараз, у гэтую хвіліну». Экс-прэзідэнт Юшчанка звярнуўся з адкрытым лістом да Трампа
-
У Беларусі ўпершыню з'явілася ламаная разметка
-
Былога выкладчыка духоўнага вучылішча, які жанаты з маладзейшай за яго на 30 год студэнткай, выпусцілі з ізраільскай паліцыі
Цяпер чытаюць
Яму выбілі чатыры зубы, а пасля выкінулі з краіны. Цяпер былога палітвязня арыштавалі ў Латвіі з шасцю мігрантамі ў машыне19
Каментары
Гэта сёдня халуй у СІЗА, заўтра на новай пасадзе.