«Сямейка са Смаленска. Крычалі, што ім трэба ехаць». П'яны пасажыр пабіўся з ахоўнікамі мінскага метро
У сацсетках з'явілася відэа з мінскага метро, дзе ахоўнікі метрапалітэна скручваюць пасажыра на пероне станцыі «Каменная Горка». Некаторыя відавочцы апісвалі, што мужчына выглядаў п'яным і перад гэтым бегаў па вагонах, спрабаваў біцца з аховай метро і нават ударыў сваю маленькую дачку.
Сцвярджаюць, што ён са Смаленска.
«Сямейка са Смаленска. Крычалі, што ім трэба ехаць, «вы сволачы, не маеце права» і г.д. Мужык потым, калі ляжаў, абражаў усіх і называў кепскімі словамі», — апісвае ў сацсетках відавочца і дадае, што побач з ім была яшчэ жонка і пажылая жанчына з дзіцем, якія «істэрылі».
У метрапалітэне расказалі, што інцыдэнт адбыўся 26 красавіка каля 15:45.
«Інспектары службы бяспекі ўжылі фізічную сілу ў дачыненні да пасажыра з прыкметамі алкагольнага ап'янення, бо ён аказаў актыўны супраціў, пасля чаго правапарушальніка перадалі супрацоўнікам міліцыі для далейшага разбору», — распавялі ў метро «Мінск-Навінам».
Мужчыну спынілі яшчэ ля турнікета і не хацелі пускаць, бо быў п'яны. Але той з дзіцем на руках прарваўся да вагонаў.
-
Беларускі зняволены мала таго, што стрэс грошы з Расіі за ўмовы ўтрымання ў СІЗА, дык яшчэ і выбіў кампенсацыю за доўгае чаканне тых грошай
-
У цэнтры Мінска матацыкліст жорстка ўрэзаўся ў аўто — ажно пераляцеў машыну ВІДЭА
-
У Мюнхене беларус, украінец і немец у масках і са зброяй абрабавалі мінака. Ужо праз восем хвілін іх арыштавалі
Бізнэсовец родам з Бабруйска адмовіцца ад свайго гіганцкага аўстралійскага заробку дзеля шанцу атрымаць $35 мільёнаў3
Каментары
Кайфуте у себя на болотах, "братья"!