На «гульні Мацкевіча» не было Ціханоўскай, Латушкі, Ціханоўскага. Бабарыка і Калеснікава ад’язджалі, але вярнуліся
Расказваем пра самых вядомых удзельнікаў гульні.
На працягу мінулага тыдня ў польскіх Татрах больш за 60 беларускіх палітыкаў, грамадскіх дзеячаў, бізнэсменаў, актывістаў сабраліся на арганізацыйна-дзейнасную гульню, ініцыяваную метадолагам Уладзімірам Мацкевічам.
Хто ж быў сярод удзельнікаў?
Офіс Святланы Ціханоўскай афіцыйна прадстаўлены не быў — ні Святлана Ціханоўская, ні Франак Вячорка, ні хтосьці іншы не прыехаў.
Ціханоўская даслала 21‑хвіліннае відэавітанне, у якім акрэсліла шэсць праблем для абмеркавання.
Па словах Мацкевіча, найбольш заўважнай фігурай з людзей, звязаных з Офісам Ціханоўскай, быў сацыёлаг Генадзь Коршунаў.
Не прыехаў таксама Павел Латушка, не было і Сяргея Ціханоўскага.
«Лепш за ўсё была прадстаўлена фракцыя бабарыканцаў. У мяне склалася ўражанне, што яны прыехалі ў поўным складзе і былі вельмі актыўныя», — расказаў Мікола Дзядок.
Гуляла Марыя Калеснікава і Віктар Бабарыка. Праўда, яны ад’язджалі на дзень на Кіпр — там свет беларускага грамадства адзначаў дзень нараджэння Уладзіміра Цэслера. Да святкаванняў на востраве далучылася і Святлана Ціханоўская.
Хто яшчэ быў на «гульні Мацкевіча»? У сацсетках паведамлялі пра свой удзел Аляксандр Кныровіч, Мікола Дзядок, Іван Краўцоў, Антон Раднянкоў, Настасся Касцюгова, Андрэй Ягораў, Павел Свярдлоў, Святлана Мацкевіч.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта2
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары