Побач з Пуціным на парадзе ўпершыню пасадзілі ўдзельніка ўварвання ва Украіну
Леанід Рыжоў камандаваў мотастралковай брыгадай, што ўдзельнічала ў баях на тэрыторыі Луганскай вобласці.
На Парадзе Перамогі ў Маскве на суседняе крэсла з Уладзімірам Пуціным справа пасадзілі ўдзельніка ўварвання ва Украіну Леаніда Рыжова, які ў 2022 годзе камандаваў мотастралковай брыгадай, што ўдзельнічала ў баях на тэрыторыі Луганскай вобласці, піша «Агенцтва».
Рыжоў на трыбуне заняў месца па левую руку ад Пуціна. Справа ад прэзідэнта сядзіць ветэран вайны Свет Туруноў, які ваяваў у артылерыі на Ленінградскім і 4‑м Украінскім франтах, а з 1976 па 1990 год быў памочнікам міністра абароны СССР.
Рыжоў у першыя месяцы ўварвання ва Украіну камандаваў 7‑й асобнай гвардзейскай мотастралковай брыгадай, якая ўдзельнічала ў фарсіраванні ракі Северскі Данец. У ліпені 2022 года яму было прысвоена званне Героя Расіі.
Раней на суседнія месцы ў адным шэрагу з Пуціным саджалі ветэранаў Другой сусветнай.
Злева на фота, праз ветэрана Другой сусветнай, Коля і Аляксандр Лукашэнкі.
Цяпер чытаюць
Вячорка: Сустрэча Сікорскага з Рыжанковым можа ўдарыць па стаўленні да беларусаў у Еўропе23
Вячорка: Сустрэча Сікорскага з Рыжанковым можа ўдарыць па стаўленні да беларусаў у Еўропе
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары