Як піша маладзечанская раёнка, забароны на такія фотасесіі няма, а вось адказнасць надысці можа.
«Мы з вамі не пчолкі, якія прыносяць карысць квітнеючым культурам, а ў пагоні за ўдалым кадрам можам і нашкодзіць раслінам», — папярэджваюць прапагандысты.
Выглядае, публікаваць здымкі ў рапсавым полі, якіх блогеры чакаюць год, становіцца небяспечным.
«Калі ласка, лавіце сонейка сярод залатых кветак, рабіце сэлфі, абдымайце жоўтае мора, але толькі з дарогі ці абочыны», — піша «Маладзечанская газета».
Забароны на такія фотасесіі няма, а вось штраф атрымаць можна, дадае выданне.
Пашкоджанне рапсу можна расцаніць як наўмыснае знішчэнне або пашкоджанне чужой маёмасці, папярэджвае выданне. Санкцыя артыкула 11.3 Кодэкса аб адміністрацыйных правапарушэннях прадугледжвае штраф сумай да 30 базавых адзінак (1350 рублёў).
«Дарагая фотасесія можа атрымацца, праўда? Плюс ёсць рызыка быць укушаным пчоламі, якія таксама вельмі любяць рапсавыя палі. А яшчэ пылок кветак рапсу вельмі дрэнна выводзіцца з адзення», — тлумачыць выданне.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей3
Каментары
Грыбы у лесе грабуць.
Глядіш, да калапсу
Беларусь давядуць