Цяпер гэта афіцыйны турыстычны аб’ект з запамінальнай назвай.
Крэйдавыя кар’еры пад Ваўкавыскам, вядомыя сваёй бірузовай вадой, афіцыйна прызнаныя геалагічным помнікам прыроды мясцовага значэння. Рашэнне Ваўкавыскага райвыканкама, якое ўступіла ў сілу 12 мая 2026 года, ператварае папулярную лакацыю ў ахоўную тэрыторыю з вызначанымі межамі і правіламі наведвання.
Новы аб’ект атрымаў афіцыйную назву «Краснасельскія Мальдывы». Яго плошча — 356 гектараў.
Кіраванне зонай даручана мясцоваму турыстычнаму інфармацыйнаму цэнтру сумесна з прадпрыемствам «Краснасельскбудматэрыялы».
Наданне статусу помніка прыроды дазволіць развіваць унікальнае месца як паўнавартасны экскурсійны пункт з належнай інфраструктурай і фінансаваннем.
Правілы бяспекі застаюцца строгімі. Купанне ў вадаёмах па-ранейшаму забаронена з-за велізарнай глыбіні, якая дасягае 50 метраў, і нестабільнасці крэйдавых берагоў, схільных да раптоўных абвалаў.
Каментары
P.S. Калі што, я гэта не ў абарону рэжыму ці Анлайнера з яго фірмовым стылем і сааабразаннем пасля 2020.
(Дарэчы, нешта блізкае, тыпа дасціпнае, але пошлае - у выразах "парламент" і "сенатары", калі гэта кажуць пра лукашысцкія структуры).
І галоўнае тут, што самі беларусы, мясцовыя не ведаюць сваё.
Калі для чалавека першаснае - веды з тэлевізара і поп-культуры, нейкія стэрэатыпы, а другаснае - тое, што пад бокам. Ён тыя "версалі", "мальдзівы" і "швейцарыі", мабыць, не бачыў і не ўбачыць, але параўноўвае з імі. Вось дзе абсурднасць міфалагічнага сазнання.