У цэнтры Дзяржынска на аўкцыён выставілі вядомы гандлёвы аб’ект — «Дом гандлю», які з'яўляеца старэйшым універмагам горада, піша domovita.by.
Будынак плошчай амаль 10 тысяч квадратных метраў ацанілі ў 13,44 мільёна рублёў (прыкладна 4,76 мільёна даляраў). Разам з ім пакупнік атрымае долю зямельнага ўчастка плошчай больш за 1 гектар і ўжо дзейны бізнэс з 27 арандатарамі.
Сам аб’ект — трохпавярховы будынак з падвалам, пабудаваны яшчэ ў савецкі час. Яго будаўніцтва пачалося ў 1970-я, а адкрыццё адбылося ў 1988 годзе. У 2021 годзе правялі рэканструкцыю: абнавілі фасады, вокны, інжынерныя сеткі і ўнутраныя памяшканні, таму будынак цяпер прыдатны да эксплуатацыі без дадатковага рамонту.
Сёння ўнутры працуюць крамы, банкі, сэрвісныя пункты і іншыя арэндатары. Аб’ект фактычна застаецца важным гандлёвым цэнтрам горада.
Каб удзельнічаць у аўкцыёне, трэба ўнесці задатак каля 10% ад кошту. Заяўкі прымаюцца да 21 мая 2026 года, а самі таргі адбудуцца на наступны дзень, 22 мая. Пераможца павінен хутка падпісаць дамову і разлічыцца за аб’ект, але будынак цяпер мае банкаўскі цяжар, які будзе ўрэгуляваны ў працэсе здзелкі.
Каб не плаціць падатак на сабак, мінчукі пачалі здаваць іх у пункты адлову25
Каментары