Каля вёскі Янава ў Баранавіцкім раёне інспектары ДАІ падалі сігнал аб спыненні аўтамабіля Volvo, але кіроўца яго праігнараваў і паспрабаваў уцячы. Пасля таго пачалася пагоня, піша прэс-служба МУС.
За рулём аказаўся 39‑гадовы жыхар Мінскай вобласці з прыкметамі алкагольнага ап’янення. Ён ужо быў пазбаўлены правоў на кіраванне і неаднаразова прыцягваўся да адказнасці, у тым ліку крымінальнай, за п’янае кіраванне.
Парушальнік не рэагаваў на патрабаванні міліцыі і сваімі дзеяннямі ствараў небяспеку для іншых удзельнікаў дарожнага руху, таму ў выніку было прынята рашэнне для яго затрымання выкарыстаць табельную зброю.
Паводле матэрыялаў медыцынскага агляду, узровень алкаголю ў крыві кіроўцы перавышаў адзін праміле. Яму пагражае штраф у памеры 200 базавых велічынь.
У салоне таксама знаходзіўся ўладальнік аўтамабіля. Яго прыцягнулі да адказнасці за перадачу кіравання нецвярозаму чалавеку — яму пагражае штраф і пазбаўленне правоў на тры гады.
Абодвух мужчын змясцілі ў ізалятар, а аўтамабіль адправілі на стаянку пад аховай.
Цяпер чытаюць
Вядучы СТБ Раман Пратасевіч пабраўся шлюбам трэцім разам47
Каментары