Адэкалон «Саша» лепшы за Dior Sauvage? Беларусы ўсляпую ацанілі водары
У цэнтры Брэста правялі парфумерны эксперымент. Мінакам на вуліцы прапанавалі ўсляпую ацаніць два пахі, нанесеныя на тэстарныя палоскі. На адным блотары быў культавы савецкі адэкалон «Саша», які і сёння можна купіць у крамах прыкладна за 5 рублёў, а на другім — значна больш дарагі Dior Sauvage.
Вынікі апытання аказаліся нечаканымі: жыхары горада блыталі танную класіку з раскошай, часам называлі пах «Сашы» больш прывабным і ацэньвалі яго ў сотні долараў.
Калі праўда раскрывалася, удзельнікі эксперыменту не маглі стрымаць смеху, а аўтар роліка заклікаў усіх не пераплачваць і купляць правераны часам айчынны прадукт. «Не чакаў ад Сашы», — напісаў ён.
Не ожидал от Саши
Вялікая частка каментатарыў ахвотна кпіць з індустрыі высокай парфумерыі. Людзі адзначаюць, што ўся гэтая сітуацыя выдатна дэманструе простую ісціну: абсалютная большасць не адрознівае люксавыя ці нішавыя парфумы ад мас-маркету. На думку каментатараў, розніцу здольныя заўважыць хіба што прафесійныя эксперты, таму няма ніякага сэнсу пераплачваць за «панты», калі ў выніку адэкалон за пару рублёў усё адно «пахне дорага».
Хтосьці з іроніяй дадаў, што сапраўдная якасць вымяраецца толькі стойкасцю, многія сышліся на думцы, што брэнды проста прадаюць прыгожую карцінку, а іх сабекошт не перавышае некалькіх долараў.
Многія чытачы сур'ёзна зацікавіліся, дзе менавіта зараз можна набыць гэты «элітны» парфюм «Саша». У якасці самых папулярных лакацый, дзе «Саша» заўсёды ёсць, называюць прылаўкі «Белпошты», крамы сеткі «Міла» і дробныя шапікі.
Некаторыя пажартавалі, што пасля такога роліка маркетолагі брэнда хутка зафіксуюць шалёны ўсплёск пакупніцкай актыўнасці.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары
Пахi найперш успрымаюцца мозгам i з чым та асацыююцца для кожнага канкрэтнага чалавека. Таму часта лепшыя пахi для нас гэта тыя, якiя суправаджалі нас, калi нам было вельмi добра, камфортна.
Два лепшых паха у маiм жыццi: пах абоср..ных пялёнак дачкi-груднiчка i пах жаночага аргазма.
У мяне ёсць некалькi добрых парфумау з Европы, i яны мне вельмi падабаюцца, але тыя два пахi ... Яны лепшыя для мяне.