Жыхар Гомеля пасля ўжывання алкаголю пагражаў сваёй жонцы і дзецям пнеўматычным пісталетам. Інцыдэнт адбыўся на фоне сямейнай сваркі, піша выданне «Белка».
Паводле інфармацыі пракуратуры, канфлікт пачаўся паміж бацькам і старэйшай дачкой. Калі на крыкі прыбеглі жонка і малодшы сын, мужчына яшчэ больш раззлаваўся. У стане моцнага гневу ён дастаў пнеўматычны пісталет і пачаў па чарзе накіроўваць яго на сямейнікаў, пагражаючы забойствам.
Дзеці здолелі таемна выклікаць міліцыю. Падчас следства мужчына прызнаўся, што хацеў толькі напалохаць родных і «павучыць» іх. Аднак у судзе ён сваю віну ўжо адмаўляў.
Пацвярджэннем сапраўднасці падзей, якія адбываліся, стаў відэазапіс, зроблены на тэлефон сына, а таксама паказанні сямейнікаў.
У выніку суд прызнаў мужчыну вінаватым у пагрозе забойствам і прызначыў яму штраф сумай 50 базавых адзінак (гэта 2250 рублёў). Пнеўматычны пісталет пры гэтым канфіскавалі.
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары