Прэзідэнт Сербіі паведаміў, што тэрмін ягоных паўнамоцтваў заканчваецца і ён можа пайсці ў адстаўку. Заяву сербскага лідара перадае N1.
Аляксандр Вучыч. Фота: AP Photo / Darko Vojinovic
«Магчыма, я хутка пайду ў адстаўку», — сказаў ён.
Аляксандр Вучыч адзначыў, што не збіраецца скарачаць свой прэзідэнцкі тэрмін, як калісьці гэта зрабіў былы прэзідэнт краіны Барыс Тадзіч «з бессэнсоўнай фармулёўкай, бо ты альбо сыходзіш у адстаўку, альбо застаешся прэзідэнтам да канца тэрміну».
Вучыч стаў прэзідэнтам Сербіі 31 мая 2017 года. Яго пераабралі ў красавіку 2022 года, другі тэрмін пачаўся ў траўні 2022 года. Цяперашняе прэзідэнцтва павінна завяршыцца 31 мая 2027 года. Згодна з Канстытуцыяй Сербіі, адна асоба можа быць абраная прэзідэнтам не больш за два разы.
Зараз Вучыч наведвае Пекін.
Каментары