На факультэце журналістыкі БДУ ўжо як мінімум тыдзень няма дэкана. Раней гэтую пасаду займаў кандыдат гістарычных навук Аляксей Бяляеў, піша Tochka.by.
Пра яго звальненне паведамленняў няма, аднак прозвішча Бяляева прыбралі з сайта журфака і агульнага сайта БДУ. На месцы пасады дэкана імя цяпер адсутнічае.
Акрамя таго, былы дэкан — часты госць у праграмах дзяржаўных СМІ. Так, у ток-шоу «Будні» ад СТБ і «Альфа Радыё» Бяляева цяпер прадстаўляюць толькі як палітолага і кандыдата гістарычных навук.
Невядома, калі дакладна і па якой прычыне Бяляеў пакінуў пасаду. Апошняя навіна, дзе ён названы дэканам, на сайце журфака БДУ з’явілася ў сярэдзіне мая 2026 года.
Аляксей Бяляеў стаў дэканам у лютым 2023 года пасля таго, як факультэт амаль пяць месяцаў не меў кіраўніка пасля звальнення Вольгі Самусевіч.
Да прызначэння дэканам факультэта журналістыкі Аляксей Бяляеў працаваў загадчыкам кафедры паліталогіі БДЭУ і актыўна даваў інтэрв’ю журналістам, удзельнічаў у праграмах СТБ, АНТ, агенцтва «Мінск-Навіны» і BТ
У 1996 годзе Бяляеў скончыў філалагічны факультэт Віцебскага дзяржаўнага ўніверсітэта па спецыяльнасці «Руская мова і літаратура і гісторыя». Паспеў папрацаваць у школе настаўнікам гісторыі і адслужыць ва ўзброеных сілах. Скончыў аспірантуру гістарычнага факультэта БДУ.
Таксама працаваў у БНТУ: быў дацэнтам на кафедрах «Гісторыя, сусветная і айчынная культура», а затым — на кафедры «Паліталогія, сацыялогія і сацыяльнае кіраванне».
У БДЭУ Аляксей Бяляеў перайшоў у 2018 годзе, заняўшы пасаду дацэнта кафедры паліталогіі. Праз тры гады, у 2021-м, стаў дырэктарам Інстытута магістарскай падрыхтоўкі БДЭУ.
Цяпер чытаюць
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?3
Каментары