Прэзідэнт Румыніі: Расійскі дрон мог памяняць траекторыю пасля таго, як яго збілі ўкраінцы
Прэзідэнт Румыніі Нікушор Дан заявіў, што дрон, які трапіў мінулай ноччу ў жылы дом у горадзе Галац, мог змяніць траекторыю пасля ўздзеяння з боку ўкраінскай СПА. Паводле яго слоў, калі беспілотнікі праляталі над тэрыторыяй Украіны, частку з іх збілі, а адзін, верагодна, быў пашкоджаны і пасля гэтага паляцеў у бок Румыніі.
Нікушор Дан адзначыў, што дрон паразілі кінетычна, гэта значыць фізічным уздзеяннем, а не проста ён выпадкова змяніў курс. Аднак пры гэтым прэзідэнт Румыніі падкрэсліў, што адказнасць за інцыдэнт усё адно ляжыць на Расіі, бо менавіта яна ажыццяўляла атаку.
У выніку ўдару па шматпавярховым доме ў Галацы пацярпелі два чалавекі. Паводле папярэдніх даных, у дроне выкарыстоўвалася не менш за 30 кілаграмаў выбуховага рэчыва.
Румынскія спецыялісты працягваюць расследаванне, вывучаюць фрагменты беспілотніка і іншыя доказы з месца здарэння.
Прэзідэнт Украіны Уладзімір Зяленскі пасля інцыдэнту правёў размову з румынскім лідарам, выказаў падтрымку і пажадаў хуткага выздараўлення пацярпелым. Ён таксама заявіў, што Украіна гатова супрацоўнічаць з Румыніяй у пытаннях бяспекі і абароны ад пагроз.
У сваю чаргу прэзідэнт Расіі Уладзімір Пуцін заявіў, што няма дастатковых доказаў датычнасці Расіі да інцыдэнту і прапанаваў правесці дадатковую экспертызу. Ён таксама дапусціў, што дрон мог быць украінскім, і прапанаваў перадаць яго фрагменты для расследавання ў Расію.
У той жа час намеснік старшыні Рады бяспекі Расіі, былы прэзідэнт Дзмітрый Мядзведзеў назваў краіны ЕС «удзельнікамі вайны» супраць Расіі і паабяцаў, што падобныя інцыдэнты на тэрыторыі Еўропы будуць працягвацца.
Раней паведамлялася, што беспілотнік, які ўпаў у Румыніі, быў тыпу «Герань-2» і быў запушчаны з тэрыторыі Расіі падчас атакі на Украіну.
Мядзведзеў заявіў, што ўдар расійскага беспілотніка па румынскім доме невыпадковы, і папярэдзіў, што будуць іншыя
Расійскага консула ў румынскай Канстанцы абвясцілі персонай нон-грата
НАТА склікае экстраннае пасяджэнне пасля ўдару беспілотніка па шматпавярховым доме ў Румыніі
У Румыніі расійскі дрон трапіў у шматпавярховік
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г3
Каментары
Тот по полкам всё разложил.
Как же им удобно валить всё на Украину и украинцев, в надежде, что пронесёт.