«Толькі не спісвай слова ў слова». У Гродне адкрываюць краму «Кузнечик», падазрона падобную на польскую «Жабку»
У Гродне на вуліцы Горкага, 92 рыхтуецца да адкрыцця новая прадуктовая крама пад назвай «Кузнечик». Афармленнем яна дублюе папулярную польскую сетку крам каля дома «Жабка».
На незвычайны аб’ект звярнулі ўвагу карыстальнікі сацсеткі Threads.
Беларусы пішуць, што ў «Кузнечика» шмат агульнага з «Жабкай».
Фасад і вывеска гродзенскай крамы выкананы ў фірменных зялёных адценнях польскага брэнда.
На шкле размешчаныя выявы хот-дога і кубачка з кавай з надпісамі «Галодны?» і «Гарачую каву?», што паўтарае канцэпцыю хуткіх перакусаў у «Жабцы».
Як адрэагавалі беларусы
Адны каментатары паставіліся да навіны з іроніяй, крытыкуючы стваральнікаў за адсутнасць уласных ідэй і сляпое капіяванне: «Толькі не спісвай слова ў слова», «Калі нічога свайго прыдумаць не можаш…». Некаторыя абураны, чаму «Кузнечик», а не «Конік».
Іншыя выказалі скепсіс наконт жыццяздольнасці адной крамы. Яны нагадалі, што сіла «Жабкі» ў велізарнай франшызе, наладжанай лагістыцы і тысячах крам па ўсёй краіне, што дазваляе зніжаць выдаткі.
Урэшце, частка карыстальнікаў не ўбачыла ў гэтым праблемы, адзначыўшы, што фармат крамы крокавай даступнасці папулярны ва ўсім свеце, а з’яўленне новых працоўных месцаў і адсутнасць вялікіх чэргаў — гэта заўсёды плюс для пакупнікоў.
Цяпер чытаюць
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ36
Каментары