На аўкцыённай пляцоўцы «БелЮрЗабеспячэнне» лот выстаўлены са зніжкай 20%. Папярэдні раз комплекс спрабавалі прадаць 15 мая, але таргі не адбыліся з-за адсутнасці пакупніка, піша Office Life.
Тады цану аб’екта ўстанавілі больш за 23,195 млн рублёў (больш за $8,2 млн па курсе Нацбанка на той момант). Цяпер яе знізілі на 20% — аўкцыён стартуе з 18 556 041,81 рубля (каля $6,7 млн). Таргі прызначаны на 17 чэрвеня 2026 года. Заяўкі будуць прымаць да 16:00 16 чэрвеня.
Гарналыжны комплекс ужо спрабавалі прадаць у 2023 годзе. Тады за яго прасілі амаль $24 млн.
Пакупніку дастанецца вялікая гаспадарка: у спісе значацца больш за 700 пазіцый. Сярод іх — гасцініцы, ангары, банны комплекс, абсталяванне і тэхніка, мабільныя прыбіральні і нават дрэвы.
Для новага ўласніка ёсць абавязковая ўмова — профіль комплексу змяняць нельга. Патрэбна будзе захаваць мэтавае прызначэнне тэрыторыі і размешчаных на ёй аб’ектаў.
Таксама комплекс павінен заставацца даступным для ўсіх катэгорый грамадзян.
Аб закрыцці гарналыжнага комплексу «Лагойск» пад Мінскам абвясцілі 31 сакавіка.
Каментары