Сёння сітуацыя стабільная, але ў горадзе працуюць спецыялісты.
Увечары 2 чэрвеня ў інфекцыйнае аддзяленне Барысаўскай цэнтральнай раённай бальніцы былі дастаўлены 27 пацыентаў дашкольнага ўзросту з прыкметамі інфекцыйнага захворвання — млоснасцю і ванітамі. Галоўны доктар Барысаўскай ЦРБ Аляксандр Дрозд пракаментаваў стан маленькіх пацыентаў, піша БелТА.
«Назіраецца станоўчая дынаміка ў самаадчуванні дзяцей, лячэнне будзе працягнута ва ўмовах стацыянара. Усе неабходныя рэсурсы для аказання медыцынскай дапамогі маюцца», — расказаў Аляксандр Дрозд.
«На працягу апошніх сутак па медыцынскую дапамогу звярнуўся адзін пацыент з падобнымі сімптомамі. Сёння сітуацыя стабільная. Зараз усе 28 пацыентаў знаходзяцца ў задавальняючым стане», — растлумачыў галоўны дзяржаўны санітарны доктар Мінскай вобласці — галоўны доктар Мінскага абласнога цэнтра гігіены, эпідэміялогіі і грамадскага здароўя Аляксандр Тарасенка.
Спецыялісты занальнага і абласнога цэнтраў з учарашняга вечара працуюць у Барысаве, каб мінімізаваць рызыку распаўсюджвання вострых кішачных інфекцый сярод насельніцтва.
Каментары
Всё в лучших традициях скотных дворов.