Судовыя эксперты сабралі табурэтку па кавалках, каб дапамагчы аднавіць карціну забойства
У сярэдзіне сакавіка ў Чыгуначным раёне Гомеля адбылося забойства. Мужчыну нанеслі шматлікія траўмы, ад якіх ён памёр на месцы.
Эксперт у тым ліку забраў з месца забойства шматлікія фрагменты дрэва, раскіданыя па ўсёй кватэры. Магчыма, гэта былі прылады забойства.
У далейшым перад судовымі экспертамі стаяла задача высветліць, ці складалі гэтыя кавалкі раней адно цэлае.
Паводле вынікаў шматаб’ектнай трасалагічнай экспертызы (у якасці аб’ектаў даследавання выступілі 15 фрагментаў драўніны) экспертам удалося практычна цалкам аднавіць першапачатковы выгляд табурэткі і ўстанавіць, што пашкоджанні яна атрымала ў выніку разлому пасля ўдару, паведамляе Дзяржкамітэт судовых экспертыз.
Па падазрэнні ў здзяйсненні злачынства затрыманы раней судзімыя жыхары Гомеля. У дзень забойства яны разам з загінулым спажывалі спіртныя напоі. У нейкі момант паміж мужчынамі ўзнік канфлікт, які прывёў да смерці аднаго з іх.
Каментары