Марскі беспілотнік сёння раніцай выбухнуў у порце Канстанцы ў Румыніі. Гэта адбылося каля штаб-кватэры Румынскага агенцтва па выратаванні на моры.
«Марскі беспілотнік адносіцца да таго тыпу, які выкарыстоўваецца ў вайне ва Украіне. Хацелася б адзначыць, што гэты аб’ект не ўваходзіць у склад узбраення румынскай арміі і не ўдзельнічаў у нядаўніх вучэннях, арганізаваных Міністэрствам нацыянальнай абароны ў раёне Чорнага мора», — гаворыцца ў заяве Мінабароны Румыніі.
Беспілотнік быў выяўлены сёння раніцай. Пазней ён выбухнуў. Ніхто не пацярпеў. Тэрыторыя ачэплена. Порт эвакуяваны.
Нагадаем, што на мінулым тыдні расійскі беспілотнік упаў і ўзарваўся на дах дома ў румынскім Галацы. У той жа дзень МЗС Румыніі заявіла, што закрывае расійскае консульства ў Канстанцы.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары