Грамадства110110

Таццяну Мартынаву знялі з цягніка на польскай мяжы і забаранілі ўезд у ЕС на 10 гадоў

Яе чакае дэпартацыя ва Украіну.

Таццяна Мартынава

Члена Каардынацыйнай рады Таццяну Мартынаву затрымалі пры перасячэнні польска-ўкраінскай мяжы. Ёй анулявалі шэнгенскую візу і забаранілі ўезд у краіны Еўрапейскага саюза тэрмінам на 10 гадоў.

Пра гэта Таццяна Мартынава расказала «Нашай Ніве».

Паводле яе слоў, інцыдэнт адбыўся ў цягніку, які ехаў з Кіева ў Польшчу.

— Польскія памежнікі падчас праверкі дакументаў і адбіткаў пальцаў сказалі, што я павінна перасякаць мяжу праз іншы пункт пропуску. Пасля мяне знялі з цягніка разам з рэчамі і адвезлі на аўтамабільны памежны пераход. Там паведамілі, што мая шэнгенская віза анулюецца, мяне чакае дэпартацыя і забарона на ўезд у ЕС на дзесяць гадоў, — распавяла Таццяна Мартынава.

На момант размовы яна знаходзілася на польскім баку мяжы і чакала афармлення дакументаў.

— Зараз я на польскім пераходзе, чакаю пратакол. Ніхто нічога не тлумачыць, няма ніякай інфармацыі, са мной фактычна ніхто не размаўляе. Сказалі толькі, што дэпартацыя будзе не ў Беларусь. І на тым дзякуй, — кажа яна.

Таццяна Мартынава адзначае, што мае ўкраінскі дазвол на жыхарства, таму плануе вярнуцца ва Украіну.

— Мяркую, мяне павязуць назад на ўкраінскую мяжу. Буду выклікаць таксі і ехаць у Кіеў. Але я ехала ў Варшаву, у мяне там свае справы, свае планы… І што цяпер рабіць — я проста не ведаю.

Мартынава падкрэслівае, што раней не мела праблем з перасячэннем межаў краін Еўрасаюза.

— Апошні раз я перасякала мяжу ЕС летась. Увесь гэты час знаходзілася ва Украіне. У мяне няма ніводнага штрафу, ніякіх парушэнняў на тэрыторыі ЕС. Таму абсалютна незразумела, адкуль вецер дзьме.

Паводле яе слоў, прычыну рашэння польскі бок пакуль не агучыў.

— Хутчэй за ўсё, у пратаколе таксама не будзе пазначаная прычына забароны на ўезд. Але я буду абскарджваць гэтае рашэнне і падаваць апеляцыю.

Таццяна Мартынава прызнаецца, што ўпершыню апынулася ў падобнай сітуацыі.

— Калі ў цябе беларускі пашпарт, жыццё ператвараецца ў пекла. У нас няма сваёй краіны, мы з вамі міжнародныя бамжы. Упершыню ў жыцці я трапіла ў сітуацыю, калі не разумею, што адбываецца і што мне рабіць далей.

Таццяна Мартынава — былая вядучая АНТ, блогерка і заснавальніца грамадзянскай ініцыятывы «Хопіць баяцца». Беларусь яна пакінула ў ліпені 2020 года і апошнія гады жыве ва Украіне. У 2024‑м і 2026‑м гадах Мартынава ўдзельнічала ў выбарах у Каардынацыйную раду як лідарка спісу «Хопіць баяцца!», а сёння вядзе ўласныя медыйныя праекты і рэгулярна каментуе беларускія і ўкраінскія палітычныя падзеі.

Каментары110

  • %
    11.06.2026
    Даволі цьмяная і цалкам непрыемная рускамірская асоба. Як па мне так былых прапагандыстаў і лукашыстаў не бывае.
  • !
    11.06.2026
    Ещё одна любительница рюцского "мира"
  • Праўда
    11.06.2026
    > Калі ў цябе беларускі пашпарт, жыццё ператвараецца ў пекла. У нас няма сваёй краіны,

    А адкуль гэтая "свая краіна" возьмецца ў прынцыпова губернскіх людзей, сп. Мартынава ніколі не задумвалася?

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць