Спявачка Арыяна Грандэ запатрабавала ад Белага дома не выкарыстоўваць яе песень у антыіміграцыйных роліках
«Калі ласка, ніколі не выкарыстоўвайце маю музыку ў сувязі з гэтай варварскай, бесчалавечнай лухтой», — напісала спявачка.
Амерыканская спявачка Арыяна Грандэ патрабуе ад адміністрацыі Дональда Трампа спыніць выкарыстанне яе музыкі для прасоўвання антыміграцыйнай палітыкі, паведамляе Reuters.
На гэтым тыдні Белы дом апублікаваў у TikTok відэа, прысвечанае іміграцыйнай палітыцы Злучаных Штатаў. На кадрах паказана, як супрацоўнікі Іміграцыйнай і мытнай службы ЗША (ICE) затрымліваюць людзей і надзяваюць ім кайданкі. Фонам да кліпа стала песня Грандэ «Bye» («Да пабачэння»).
«Калі ласка, ніколі не выкарыстоўвайце маю музыку ў сувязі з гэтай варварскай, бесчалавечай лухтой», — напісала спявачка ў каментары да відэа.
Арыяна Грандэ нарадзілася ў Фларыдзе, але ў яе італьянскія карані, чым яна ганарыцца. Rolling Stone і Billboard адносяць Грандэ да ліку найвялікшых артыстаў у гісторыі, а часопіс Time ўключаў яе ў спіс ста самых уплывовых людзей свету ў 2016 і 2019 гадах.
Сярод яе бізнэс-праектаў — касметычны брэнд R.E.M. Beauty (заснаваны ў 2021 годзе) і парфумерная лінія, якая прынесла больш за мільярд даляраў сусветных продажаў. Артыстка валодае адной з найбуйнейшых аўдыторый у сацыяльных сетках: на платформе Instagram яна займае шостае месца ў свеце па колькасці падпісчыкаў.
22 мая 2017 года падчас выступу Арыяны ў Манчэстэры (Вялікабрытаніі) адбыўся тэракт, падчас якога загінулі 23 чалавекі і 120 былі параненыя. У ліпені 2017 года Грандэ разам з Джасцінам Біберам, Кэці Пэры, Майлі Сайрус, Робі Уільямсам, Ліямам Галахерам, Coldplay, Take That, Black Eyed Peas далі ў Манчэстэры дабрачынны канцэрт у памяць ахвяр тэракту, У выніку былі сабраныя 10 мільёнаў фунтаў.
Цяпер чытаюць
Бабарыка, Золатава і яшчэ некалькі дзясяткаў былых палітвязняў заклікалі еўрапейскіх лідараў актыўней дамаўляцца наконт вызваленняў52
Каментары