У ноч на 14 чэрвеня Расію зноў атакавалі беспілотнікі. Адным з галоўных аб'ектаў удару стаў Новамаскоўскі хімзавод «Азот» у Тульскай вобласці. Там пасля серыі выбухаў пачаўся пажар. Пра гэта паведамляюць маніторынгавыя каналы, а таксама губернатар рэгіёна Дзмітрый Міляеў.
Паводле версіі мясцовых уладаў, на тэрыторыю прамысловага аб'екта ўпалі абломкі збітых дронаў. Маніторынгавыя групы і кадры ад відавочцаў сведчаць пра сур'ёзны пажар на тэрыторыі гэтага хімічнага гіганта.
Завод «Азот» з'яўляецца адным з найбуйнейшых профільных прадпрыемстваў у Расіі. Акрамя вытворчасці цывільнай прадукцыі, такой як мінеральныя ўгнаенні, аміяк і метанол, прадпрыемства вырабляе азотную кіслату і адмысловую хімічную сыравіну. Гэтыя кампаненты напрамую пастаўляюцца на расійскія вайсковыя заводы для стварэння выбуховых рэчываў і боепрыпасаў для патрэб войска, што робіць аб'ект важнай часткай ваенна-прамысловага комплексу краіны.
Таксама была атакаваная нафтабаза ў Рыбінску Яраслаўскай вобласці.
Гэтай жа ноччу пра выбухі і працу сістэм супрацьпаветранай абароны паведамлялі жыхары і іншых расійскіх рэгіёнаў. У прыватнасці, у Смаленскай вобласці пад удар беспілотнікаў, імаверна, патрапіла чыгуначная інфраструктура ў горадзе Вязьма, якая актыўна выкарыстоўваецца для вайсковых і грузавых перавозак.
Акрамя таго, у горадзе Арол пасля чарговай атакі загарэўся шматпавярховы жылы дом. Інфармацыя пра магчымых пацярпелых удакладняецца.
-
«Я пісаў маме, а яна ўжо была мёртвая» — гісторыі загінулых пасля ўдару па Новай Вадалазе на Харкаўшчыне
-
У Новай Маскве ў выніку атакі беспілотнікаў пашкоджаныя паліклініка і жылыя дамы. У Серпухаве атакаваны арсенал Мінабароны Расіі
-
Зяленскі заявіў пра гатоўнасць да мірнага пагаднення з размежаваннем па цяперашняй лініі фронту
Цяпер чытаюць
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары