Ціханоўская пра ўдар па аўтобусе з беларускімі дзецьмі: Не рызыкуйце жыццём — не едзьце ў Расію, якая вядзе злачынную і несправядлівую вайну
Лідарка беларускіх дэмсіл пракаментавала ў сваім тэлеграм-канале ўдар беспілотнікам па аўтобусе з беларускімі юнымі футбалістамі ў Бранскай вобласці.
«Маё сэрца з усімі пацярпелымі і іх роднымі, Дзеці і дарослыя, што былі побач з імі, — нявінныя ахвяры. Гэтую вайну распачала Расія. Яна — агрэсар, і менавіта яна нясе галоўную адказнасць за кожную смерць і кожнае раненне, звязаныя з гэтай вайной. Але вінаватыя і тыя прадстаўнікі дзяржавы, хто безадказна адправіў дзяцей праз прыгранічную зону ваенных дзеянняў», — паведаміла яна.
Па словах Ціханоўскай, гэта не «выпадковасць», а канкрэтнае рашэнне канкрэтных людзей пры ўладзе, якія абыякава аднесліся да таго, як дзеці патрапяць на адпачынак.
«І вінаватая беларуская дзяржаўная прапаганда, якая гадамі замоўчвае праўду пра вайну і саўдзел у ёй рэжыму Лукашэнкі, каб стварыць фэйкавую карцінку «мірнага неба» і бяспекі. Я заклікаю вас: беражыце сябе і сваіх блізкіх. Не рызыкуйце жыццём — не едзьце ў Расію, якая вядзе злачынную і несправядлівую вайну. Бяспека надыдзе толькі тады, калі Расія спыніць гэтую вайну», — сказала Святлана Ціханоўская.
Дрон прыляцеў сёння ў аўтобус каманды ДЮСШ №2 Рэчыцы, якую павезлі на адпачынак у Геленджык у Краснадарскім краі Расіі.
Паводле паведамлення кіраўніка Бранскай вобласці Ягора Кавальчука, у аўтобусе ехала дзіцячая футбольная каманда.
У выніку выбуху загінула жонка трэнера Рэчыцкай ДЮСШ, якая суправаджала дзяцей.
Мясцовыя ўлады заяўляюць, што ўсіх пацярпелых аператыўна даставілі ў бальніцу, дзе медыкі аказваюць ім неабходную дапамогу. Пра стан параненых дзяцей пакуль не вядома.
Цяпер чытаюць
Беларускі кладаўшчык са свастыкай на плячы лячыўся ад алкагалізму ў Сібіры і пайшоў ваяваць за Расію, а застаўся без выплат і працы3
Каментары
Але лукашысты зробяць від што нічога не адбылося, яшчэ і звольняць трэнера за прагул пасмяротна.
Пераклад: Жанчыны не рызыкуйце стаць ахвярай гвалту - не хадзіце ноччу па цёмным вуліцам!
Масковія небяспечная краіна.
Масковія вядзе злачынную вайну супраць суседкі Украіны.