Венгрыя выступіла супраць адпраўкі ў Еўрапейскую раду і Еўракамісію ліста ад імя ўсіх 27 краін ЕС у падтрымку ўступлення ў блок Украіны і Малдовы, паведамілі Politico дасведчаныя крыніцы.
Паводле іх слоў, гэты дакумент неабходны для далейшага разгляду заявак Кіева і Кішынёва на далучэнне да супольнасці. Пры гэтым Венгрыя аказалася адзінай краінай ЕС, якая не падтрымала ліст. Для яго ўхвалення патрэбна згода ўсіх 27 краін блока, таму пытанне зноў будуць абмяркоўваць на наступным тыдні, адзначыла адна з крыніц выдання.
Раней перамовы пра ўступленне Украіны ў ЕС доўгі час блакаваў былы прэм’ер-міністр Венгрыі Віктар Орбан.
Цяперашні прэм’ер Петэр Мадзьяр не стаў пярэчыць супраць старту перамоўнага працэсу, аднак настаяў на тым, каб выключыць з ліста фармулёўку «як мага хутчэй» адносна далучэння Кіева да блока.
Мадзьяр адзначаў, што Будапешт «не лічыць добрай ідэяй» адкрываць адразу ўсе перамоўныя кластары з Украінай, каб паскорыць яе ўступленне ў ЕС.
«Часткова таму, што чарніла на дакументах па першым кластары яшчэ не высахлі, а часткова таму, што гэта паслала б няправільны сігнал краінам Заходніх Балкан — Сербіі, Албаніі, Чарнагорыі і Паўночнай Македоніі, якія ўжо шмат гадоў працуюць над уступленнем у Еўрасаюз», — тлумачыў Мадзьяр.
Цяпер чытаюць
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію9
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі66
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі6
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары
Перенаправил на себя, любимого.