Усяго патроху3434

Беларуска не паверыла інтэрнэту і пацягнулася ў Крым

Жанчына паехала на акупаваны паўвостраў з Беларусі на машыне і ўжо каторы дзень не можа зразумець, чаму ў каментарах цэлая хваля хэйту. А што бензін па 5 даляраў за літр, то не страшна.

Скрыншоты відэа: glambockaya_liudmila / Instagram

«Упэўнена, што там усё добра»

Людміла Гламбоцкая — маркетолаг і коўч з Мінска. Пару дзён таму яна вырашыла паехаць у Крым.

«Пакуль усе вакол панікуюць і абмяркоўваюць, ці варта цяпер наогул ехаць у Крым, мы проста загрузілі рэчы ў машыну», — распавядае жанчына ў роліку ў інстаграме.

Гэтую паездку яна называе выдатным спосабам адключыць увесь знешні шум, выдыхнуць і сканцэнтравацца на працы.

«Пакуль адны сумняюцца і чакаюць ідэальнага моманту, мы ўжо з Наташай (так завуць спадарожніцу блогеркі. — НН) у дарозе і ўжо працуем», — дадае яна.

Наступны ролік жанчына запісала за 40 кіламетраў ад Крымскага моста. Яна кажа, што не верыць таму, што пішуць у інтэрнэце пра цяжкую сітуацыю ў Крыме.

«І хоць мае родныя і блізкія вельмі хвалююцца, я ўпэўнена, што там усё добра».

Гэтае відэа заляцела на шырокую аўдыторыю і набрала каля 180 тысяч праглядаў. Аўтарка роліку ў шоку ад каментароў (іх больш за 500).

Адзін з каментатараў напісаў наступнае: «Падобна, гэтая цётка больш верыць тэлевізару. Бо Салаўёў не падманвае».

«Вось гэта цікаўнасць — праехаць 1500 кіламетраў, каб даведацца праўду», — іранізуе іншы.

У каментах адгукнуліся і самі крымчане: «У Крыме няма бензіну, я жыву тут, і мне няма сэнсу вам хлусіць», «Чакаем наступны допіс. Мы-та, крымчане, ведаем, як у нас».

Таксама Людміле параілі не забыць выкласці ролік з праўдай аб тым, як яна перастала верыць тэлевізару.

«Я заўжды верыла, што ўсе людзі хочуць міра і дабрыні, але чытаючы каментары пад рылс, не толькі ад мужчын, але і жанчын, я ў шоку», — адрэагавала Людміла.

«Калі б не гэтыя каментары і не трывожныя ролікі, якія мне панічна скідвалі блізкія, я б наогул не зразумела, што тут ёсць пра што хвалявацца: у гарадах абсалютна звычайнае жыццё, знайсці месца для паркоўкі — той яшчэ квэст.

Усё занята, поўна машын, людзі гуляюць», — расказвае Людміла ўжо з Крыма.

Скрыншоты відэа: glambockaya_liudmila / Instagram

Літр бензіну па $5

Пасля Людміла ўсё ж закранае тэму з дэфіцытам паліва.

«Так, ёсць свае асаблівасці, напрыклад, бензін. Да [Крымскага] моста яго поўна, без праблем, а вось далей за мостам — дэфіцыт.

На месцы яго прадаюць ледзь не па 400 рублёў за літр (гэта больш за 14 беларускіх рублёў, ці амаль 5 даляраў. — НН), на зваротным шляху з Крыма — велізарная чарга, і я падазраю, што гэта акурат тыя, хто займаецца перапродажам паліва», — прыходзіць да высновы жанчына.

Але ў астатнім ёй усё падабаецца.

«А інтэрнэт хай застаецца інтэрнэтам. Давайце быць дабрэйшымі адно да аднаго».

Каментары34

  • чакаем наступнага рылсу
    26.06.2026
    "тут так было хорошо, я не хочу уезжать"
  • Ёсік
    26.06.2026
    Чаму груздзевых з сабой не ўзяла?
  • Выдатна
    26.06.2026
    Здымкі ўжо ва ўкраінскай баўе. Коуч візы ў ЕЗ не атрымае ўжо. Ніколі.

Цяпер чытаюць

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля20

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Усе навіны →
Усе навіны

Навукоўцы прыдумалі аднаразовыя кубачкі для кавы без кроплі пластыку2

«Рамантаваць будзе складаней, чым будаваць з нуля». Ці магчыма хутка аднавіць Крымскі мост?8

Жанчына злавіла ў Друці больш чым 13‑кілаграмовага шчупака ФОТАФАКТ4

У Дзяржынску ў пенсіянеркі здарыўся інсульт адразу пасля таго, як яе выпісалі з бальніцы пасля аперацыі1

Google зрабіла стаўку на тэхналогію, якая для здабычы электрычнасці выпарвае горныя пароды5

У Беларусі збіраюцца больш актыўна паляваць на зуброў1

У Жабінкаўскім раёне ў ДТЗ загінулі два чалавекі

У Інданезіі сустрэлі змяю, якая паставіла сусветны рэкорд па даўжыні

У Беларусі паскорыўся рост ВУП5

больш чытаных навін
больш лайканых навін

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля20

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Галоўнае
Усе навіны →

Заўвага:

 

 

 

 

Закрыць Паведаміць