У пятніцу ў Лондане адбылося лёсаванне «Уімблдона»-2026 у жаночым адзіночным разрадзе. Pressball.by прапануе азнаёміцца з парамі першага круга.
Першая ракетка свету беларуска Арына Сабаленка сустрэнецца з Тэадорай Коставіч з Сербіі, якая прайшла кваліфікацыю. Ёй 18 гадоў, і яна займае 184‑е месца ў рэйтынгу WTA.
У сваю чаргу Ірына Шымановіч, якая выйграла кваліфікацыю, у першым раўндзе сустрэнецца з прадстаўніцай Швейцарыі Вікторыяй Голубіч.
У мінулым годзе Сабаленка дайшла да паўфіналу Уімблдона, дзе саступіла амерыканцы Амандзе Анісімавай, а фінал тэніснага турніру запомніўся тым, што Анісімава разгромна прайграла Ідзе Свёнтак 0:6, 0:6.
Што да турніраў Вялікага шлема, куды ўваходзяць Адкрыты чэмпіянату Аўстраліі, Ралан Гарос, Уімблдон і Адкрыты чэмпіянат ЗША, то Сабаленка двойчы выйгравала турнір у Аўстраліі і двойчы ў ЗША. На Уімблдоне яна тройчы гуляла ў паўфінале, але ні разу да фіналу не дабіралася.
Зараз адрыў Арыны ў сусветным рэйтынгу ад Алены Рыбакінай складае 947 балаў. Сабаленка займае першы радок з 19 кастрычніка 2024 года.
Цяпер чытаюць
КДБ запусціў новы бот у тэлеграме для вярбоўкі беларусаў за мяжой. Прапануюць расклейваць улёткі, фатаграфаваць аб'екты і «нешта іншае»6
Каментары