Установы прадаюцца па жаданні ўласніка.
Чатыры ўстановы, якія працуюць пад брэндам Lidbeer у Мінску, выстаўлены на продаж. Аб’явы з’явіліся на сайце Realt, піша Office Life.
Так, бар на Зыбіцкай плошчай 70 «квадратаў» прадаюць за 450 тысяч рублёў. За ўстанову ўдвая больш па плошчы на вуліцы Якуба Коласа хочуць 210 тыс. рублёў, а за бар плошчай 46,5 кв. м на Інтэрнацыянальнай — 180 тыс. рублёў.
Самая дарагая ўстанова з выстаўленых на продаж знаходзіцца на Камсамольскай — амаль 163 «квадраты». За яе хочуць 660 тыс. рублёў. У апісанні аб’екта сказана, што прадаецца «высокадаходны бізнэс у гістарычным цэнтры Мінска».
Як высветліў Office Life, установы прадаюцца па жаданні ўласніка.
Праект сеткі бараў Lidbeer мае больш за 10 устаноў у Мінску. У снежні 2025‑га на вул. Рэвалюцыйнай адкрыўся рэстаран — музей піва. Гэта сумесны праект «Лідскага піва» і сеткі бараў Lidbeer.
Кампанія «Лідскае піва» ўваходзіць у фінскі холдынг Olvi Group. Раней гендырэктар «Лідскага піва» Аўдрыюс Мікшыс расказваў, што ў апошні год продажы кампаніі растуць у асноўным за кошт безалкагольнага сегмента.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў42
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1515
Каментары