Вядомая ў мінулым лёгкаатлетка Аліна Талай пакінула клуб.
Талай пачала супрацоўніцтва з БАТЭ ў лютым 2024 года, стаўшы трэнерам па фізічнай падрыхтоўцы дублёраў. У ліпені 2025 года яна таксама ўвайшла ў трэнерскі штаб асноўнай каманды.
«Талай пакінула наш клуб пасля заканчэння тэрміну дзеяння кантракту», — паведамляе прэс-служба БАТЭ.
У 15‑гадовага чэмпіёна краіны, былога флагмана беларускага футболу справы ў гэтым сезоне проста швах.
Пасля 13‑га тура БАТЭ апусціўся на перадапошні радок у турнірнай табліцы, і яму пагражае вылет з вышэйшай лігі. У клуба ўсяго адна перамога (5 красавіка над «Баранавічамі»), шэсць нічыіх і шэсць паразаў.
Сёння БАТЭ гуляе ў чэмпіянаце з «Гомелем». Праўда, клуб выйграў Кубак Беларусі па футболе і прадставіць краіну ў кваліфікацыі Лігі канферэнцый, яго супернікам будзе албанскі «Эльбасані» (матчы 7 і 15 ліпеня).
БАТЭ — 15 разовы чэмпіён краіны, прычым з 2006 па 2018 гады 13 разоў запар выйграваў нацыянальнае пергшынство, затым тройчы фінішаваў другім, а потым вынікі сталі горшаць. 2023 года — пятае месца, 2024‑ы — восьмае, 2025‑ы — дзясятае.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1515
Каментары